00:00:00 IGIHE NETWORK KN KINYARWANDA EN ENGLISH FR FRANCAIS

Kigali: Abanyeshuri baregwaga gukora imyigaragambyo itemewe bagizwe abere

Yanditswe na

Olivier Rubibi

Kuya 26 Nzeri 2013 saa 10:44
Yasuwe :
0 0

Urukiko rw’Ibanze rwa Kacyiru, kuri uyu wa Kane, rwagize abere abanyeshuri bane bafunzwe kuwa 17 Nzeri 2013 bakurikiranweho kwigaragambya.
Aba banyeshuri baregwaga gutegura imyigaragambyo no kwigaragambya , ubushinjacyaha bwabasabiraga gufungwa amezi atanu nk’uko umunyamakuru wa BBC wabashije gukurikira urwo rubanza yabitangaje.
Aba banyeshuri baje mu rukiko badafite umwunganizi wabo mu mategeko, Me Antoinette Mukamusoni, kuko ikatwa ry’uru rubanza ryaje ritunguranye, bireguye bavuga ko (...)

Urukiko rw’Ibanze rwa Kacyiru, kuri uyu wa Kane, rwagize abere abanyeshuri bane bafunzwe kuwa 17 Nzeri 2013 bakurikiranweho kwigaragambya.

Aba banyeshuri baregwaga gutegura imyigaragambyo no kwigaragambya , ubushinjacyaha bwabasabiraga gufungwa amezi atanu nk’uko umunyamakuru wa BBC wabashije gukurikira urwo rubanza yabitangaje.

Aba banyeshuri baje mu rukiko badafite umwunganizi wabo mu mategeko, Me Antoinette Mukamusoni, kuko ikatwa ry’uru rubanza ryaje ritunguranye, bireguye bavuga ko batishimiye icyemezo Leta yafashe cyo kurihira abanyeshuri mu mashuri makuru na kaminuza bagendeye ku byiciro by’Ubudehe. Aba banyeshuri bakomeje bavuga ko ibyo baregwa bita imyigaragambyo ari ibaruwa bandikiye ubuyobozi bagaragaza ibyo bita akababaro kabo.

Umucamanza yavuze ko ubushinjacyaha butabashije kugaragaza ibimenyetso by’uko umugambi wo gucura imyigaragambyo wategurwaga n’aba banyeshuri wabaye koko.

Umucamanza yakomeje avuga ko abantu kuba barahuriye ahantu hamwe bakandika ibaruwa ubwobyo bitagize icyaha.

Urukiko rwatangaje ko abaregwa batigeze bakoresha inama itemewe mu ruhame, ahubwo ko bagiranye ikiganiro n’abanyamakuru mu ruhame kandi gutanga ikiganiro n’abanyamakuru mu ruhame bitagize icyaha kuko umuntu afite uburenganzira bwo kugaragaza ikiri ku mutima nk’uko bigaragazwa n’amahame mpuzamahanga agenga uburenganzira bwa muntu.

Umucamanza yavuze ko ikirego cy’ubushinjacyaha gishingiye ku kugenekereza kandi ko inkiko zidashinzwe guca imanza zishingiye ku magenekereza.

Umucamanza yagize aba banyeshuri bose abere ku byaha bibiri baregwaga, anategeka ko bahita barekurwa.

Me Antoinette Mukamusoni utigeze uza kunganira abaregwa kubera ko urubanza rwaciwe igitaraganya mu gihe rwari ruteganyijwe kuri uyu wa Gatanu , yatangarije BBC ko yatunguwe n’umunsi w’ikatwa ry’uru rubanza ariko ko yanyuzwe n’imyanzuro y’urukiko

Yagize ati “Urukiko ruduhaye ubutabera twifuzaga.”

Alain Mukurarinda, Umuvugizi w’Ubushinjacyaha mu Rwanda, yavuze ko bubashye icyemezo cy’umucamanza ariko ko hakiri kare kuvuga ko bakishimiye.
Aba banyeshuri bagizwe abere bakaba bashubijwe muri gereza mbere yo kuzuza impapuro zibarekura aho bafungiye.

Aba banyeshuri bafashwe kuwa Kabiri tariki ya 17 Nzeri 2013, ubwo bari muri gare ya Kacyiru, bavuye kwa Minisitiri w’Intebe, baje kureba bagenzi babo babatumye bakanasinya inyandiko isaba kurenganurwa, yavugaga ko batabasha kwishyura amafaranga asabwa ngo babashe kwiga muri kaminuza hagendewe ku byiciro by’Ubudehe barimo. Aha ariko abari bafashwe bamwe bararekuwe hasigara bane ari nabo bagaragaye imbere y’urukiko.

Kanda usome inkuru y’ifatwa ry’abo banyeshuri

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .