00:00:00 IGIHE NETWORK KN KINYARWANDA EN ENGLISH FR FRANCAIS

Kayonza: Umusore w’imyaka 17 yatawe muri yombi azira gusambanya umwana w’imyaka ine

Yanditswe na Hakizimana Jean Paul
Kuya 29 Ukuboza 2022 saa 02:52
Yasuwe :

Umusore w’imyaka 17 wo mu Karere ka Kayonza yatawe muri yombi n’inzego z’umutekano, nyuma yo gukekwaho gusambanya umwana w’imyaka ine abikoreye mu murima w’ibigori.

Ibi byabaye kuwa Gatatu tariki ya 28 Ukuboza 2022 mu Mudugudu wa Nyabugogo mu Kagari ka Juru mu Murenge wa Gahini.

Umunyamabanga Nshingwabikorwa w’Umurenge wa Gahini, Rukeribuga Joseph, yabwiye IGIHE ko ko uyu musore ukekwaho iki cyaha, nyuma y’aho uwo mwana ababyeyi be bamubonye aturutse mu murima w’ibigori ari kurira ndetse n’intozi zamuriye ngo bakurikiranye basanga uwo musore niwe bari kumwe ari kumusambanya.

Yagize ati “Ejo ahagana saa 18h 30 nibwo twamenye amakuru ko hari umusore ukekwaho gusambanya umwana w’imyaka ine, twoherejeyo rero inzego z’umutekano ziramufata ahita afungwa kugira ngo hakorwe iperereza tumenye niba koko yaramusambanyije.”

Gitifu Rukeribuga yavuze ko uyu musore bikekwa ko yasambanyije uyu mwana ubwo yamujyanaga mu murima w’ibigori akamusambanyirizayo, uretse kumusambanya ngo n’intozi zaririyeyo uwo mwana ngo ku buryo yatashye arira anariho intozi nyinshi.

Yavuze ko kuri ubu uwo mwana yahise ajyanwa ku bitaro bya Gahini kugira ngo akurikiranwe n’abaganga banamurinde kuba uwo musore yamwanduza indwara zitandukanye.

Gitifu Rukeribuga yasabye ababyeyi kuba hafi y’abana babo ngo bakirinda kubajya kure kuko muri iyi minsi abantu bose atariko bifuriza abana ineza, yavuze ko uwo musore afungiye kuri sitasiyo ya RIB ya Rukara mu gihe iperereza rigikomeje.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .