Kayonza: Umuntu utaramenyekana yataye uruhinja rwapfuye muri Gare

Yanditswe na Hakizimana Jean Paul
Kuya 2 Nyakanga 2020 saa 10:17
Yasuwe :
0 0

Kuri uyu wa Gatatu tariki 1 Nyakanga 2020 muri gare y’Akarere ka Kayonza iherereye mu Murenge wa Mukarange, hatoraguwe umurambo w’uruhinja ruri hagati y’amezi atandatu n’arindwi rwahatawe n’umuntu utaramenyekana.

Ni uruhinja rwahatoraguwe ku mugoroba wo kuri uyu wa Gatatu mu masaha ya saa Moya zijoro ubwo abashinzwe iyi gare bayikoragamo isuku.

Umunyamabanga Nshingwabikorwa w’Umurenge wa Mukarange, Murekezi Claude, yabwiye IGIHE ko urwo ruhinja rwahatawe n’umuntu utaramenyekana waruzanye muri ’Envelope’

Ati " Ni umuntu tutaramenya kugeza ubu, yaje nimugoroba hagati ya saa kumi n’ebyiri na Saa Moya cyagihe abantu baba bava muri gare, azana envelope irimo umwana wapfuye ufite nk’amezi atandatu cyangwa arindwi ayirambika ku dutebe abagenzi bicaraho, ubwo abashinzwe iyi Gare begeranyaga ibintu biba byagiye bitabwa n’abagenzi rero nibwo babonye urwo ruhinja bahamagara ubuyobozi turaza turarureba."

Murekezi yakomeje avuga ko umurambo w’uru ruhinja wahise woherezwa mu bitaro bya Gahini kugira ngo ukorerwe isuzumwa ngo hakaba hagishakishwa uwaruhataye.

Ati "Kugeza ubu ntawe dukeka ariko twatangiye iperereza dufatanyije n’ibigo Nderabuzima byose byo muri aka Karere n’ibitaro bya Gahini kugira ngo turebe niba hamenyekana nyirarwo."

Kugeza ubu umurambo w’uru ruhinja uri gukorerwa isuzuma mu bitaro bya Gahini mbere yuko rushyingurwa.

Gare ya Kayonza mu Ntara y'Iburasirazuba hatoraguwe uruhinja rwapfuye

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .