00:00:00 IGIHE NETWORK KN KINYARWANDA EN ENGLISH FR FRANCAIS

Jabana: Hatahuwe umurambo w’umugabo bikekwa ko yaguye muri ruhurura yasinze

Yanditswe na Thamimu Hakizimana
Kuya 23 July 2022 saa 10:26
Yasuwe :

Umurambo w’umugabo witwa Rutazihana Shadrack wakoraga akazi ko guhamagara abagenzi muri gare ya Kabuye, wagaragaye muri ruhurura iherereye mu Kagari ka Kabuye mu Murenge wa Jabana, ku wa 22 Nyakanga.

Abaturage bo muri aka gace bavuga ko uyu mugabo yari yagaragaye ari kunywa inzoga mu ijoro ryo ku wa Kane tariki ya 21 Nyakanga 2022.

Umunyamabanga Nshingwabikorwa w’Akagari ka Kabuye, Habimana Bonavanture, yabwiye IGIHE ko uyu mugabo bafite amakuru y’uko yaguye muri ruhurura yasinze bimuviramo urupfu.

Yagize ati “Umurambo wabonetse ejo ariko amakuru dufite ngo hari abamubonye mu ijoro ryo ku wa Kane ari kunywa inzoga ngo kandi yakundaga gusinda ku buryo ngo ashobora kuba yaraguye muri ruhurura atashye agahita apfa.”

Yakomeje avuga ko nyuma y’uko umurambo w’uyu mugabo ugaragaye Urwego rw’Ubugenzacyaha RIB rwahise ruhagera rutangira iperereza kugira ngo hamenyekane icyamwishe.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .