Itorero Angilikani rigiye gutaha inyubako y’ubucuruzi ya miliyoni 420 Frw

Yanditswe na IGIHE
Kuya 16 Ugushyingo 2020 saa 08:21
Yasuwe :
0 0

Muri Mutarama umwaka utaha, Itorero Angilikani ry’u Rwanda ryatangaje ko rizataha inyubako y’ubucuruzi ifite agaciro ka miliyoni 420 Frw iherereye mu Karere ka Gasabo.

Byatangajwe na Musenyeri Laurent Mbanda, Umuyobozi w’iryo torero mu Rwanda. Iyo nyubako ni imwe mu mishinga y’ibanze Mbanda yatangaje ko agomba guheraho ubwo yimikwaga mu 2018.

Mbanda yabwiye The New Times ko iyo nyubako izaba yitwa Anglican House irimo ibikorwa by’ubucuruzi ndetse n’ibiro byo gukodesha.

Yavuze ko uwo mushinga witezweho kwinjiriza itorero amafaranga azifashishwa mu gukomeza kubaho kwaryo.

Yagize ati “Inyubako igamije ibintu bibiri, gukomeza kudufasha nk’Itorero Angilikani ndetse bikaba biri mu nkingi eshanu z’itorero. Bizadufasha kandi kubona amafaranga yo gukoresha ku ishuri tugiye kubaka. Ibi bizatuma tutazajya ducungira ku mafaranga y’ishuri gusa.”

Mu 2018 Musenyeri Mbanda yabwiye IGIHE ko batifuza gukomeza gusabiriza amafaranga itorero rikoresha.

Yagize ati “Turi gutekereza ibintu twakora ku buryo byatwinjiriza amafaranga bigatuma tutajya gusabiriza. Kimwe tugomba gutangira mu gihe cya vuba ni ukubaka inzu y’ubucuruzi ishobora kubamo n’ibiro byo gukoreramo. Tumaze kubona uruhushya rwo kubaka turateganya ko mu minsi ya vuba turabitangira. Ikindi turi guteganya imishinga twakora dufatanyije nk’amadiyosezi, tugahuriza ku mushinga umwe, tukawigaho tukawutekereza.”

Mbanda yihaye imyaka itanu yo gukorana na bagenzi be bayoboye diyosezi z’itorero mu gushaka imishinga izatuma batongera kurambiriza ku nkunga z’amahanga.

Igishushanyombonera cy'inyubako y'ubucuruzi Itorero Angilikani rigiye gutaha

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .