Ingabire Victoire ‘yahamagajwe’ mu iperereza ku bitero byahitanye abaturage i Musanze

Yanditswe na IGIHE
Kuya 8 Ukwakira 2019 saa 11:43
Yasuwe :
0 0

Amakuru yizewe agera kuri IGIHE aremeza ko Umuyobozi w’ishyaka ritemewe rya FDU-Inkingi, Ingabire Voictoire Umuhoza, yahamagajwe n’inzego z’ubugenzacyaha, kugira ngo abazwe ku bitero biheruka kugabwa mu Karere ka Musanze, bigahitana abaturage 14 abandi benshi bagakomereka.

Ni ibitero byagabwe mu Kinigi mu Ntara y’Amajyaruguru mu buryo Polisi y’u Rwanda yahamije ko “bubabaje cyane” kuko hakoreshejwemo intwaro gakondo zirimo amasuka n’amabuye, ndetse ko inzego z’umutekano zizafata uwo ari we wese wabigizemo uruhare “mu buryo buziguye cyangwa butaziguye.”

Abagabye icyo gitero bemereye itangazamakuru ko baturutse mu mutwe wa RUD Urunana, mu rwunge rw’indi mitwe yitwaje intwaro irimo FDLR na RNC. Ni imitwe y’abarwanyi ishamikiye ku mashyaka atanu yishyize hamwe mu cyiswe P5, arimo Amahoro People’s Congress, Forces Démocratiques Unifieés – Inkingi (FDU-Inkingi); People’s Defence Pact-Imanzi (PDP-Imanzi), Rwanda National Congress (RNC) na PS Imberakuri (Igice cya Ntaganda Bérnard.)

Amakuru yizewe agera kuri IGIHE yemeza ko Ingabire Victoire yahamagajwe n’Ubugenzacyaha kubera ko ishyaka rye FDU Inkingi ari rimwe mu mashyaka agize ihuriro P5 rikekwaho kuba inyuma y’iki gitero.

Nyuma y’icyo gitero, Ingabire Victoire yihutiye gusohora itangazo avuga ko asaba “abicanyi gusubiza inkota mu rwubati”, ngo “ntiwakunda igihugu cyawe ngo nurangiza wice abaturage bacyo.”

Turacyagerageza kuvugana n’Urwego rw’Ubugenzacyaha, RIB, mu rwego rwo kumenya amakuru yimbitse kuri iri hamagazwa.

Abarwanyi bagabye igitero i Musanze bavuze ko ari abo muri RUD Urunana

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza