Ingabire Victoire arongera kwitaba RIB mu iperereza ku bitero byahitanye abaturage i Musanze

Yanditswe na IGIHE
Kuya 10 Ukwakira 2019 saa 05:05
Yasuwe :
0 0

Kuri uyu wa Gatanu, Umuyobozi w’ishyaka ritemewe rya FDU-Inkingi, Ingabire Victoire Umuhoza aritaba Urwego rushinzwe Ubugenzacyaha (RIB) ku bitero biherutse guhitana ubuzima bw’abaturage mu Karere ka Musanze.

Kuri uyu wa Kabiri nibwo Ingabire Victoire yitabye ubugenzacyaha ku iperereza riri gukorwa ku bitero byagabwe mu Kinigi mu Karere ka Musanze mu mpera z’icyumweru gishize, bigahitana ubuzima bw’abaturage 14 abandi 18 bagakomereka.

Mu kiganiro Ingabire Victoire yaraye ahaye Radiyo Ijwi rya Amerika, yavuze ko no kuri uyu wa Gatatu yitabye ubugenzacyaha kandi azasubirayo kuri uyu wa Gatanu.

Yavuze ko ishyaka ahagarariye ntaho rihuriye n’ibyo bitero ngo kuko nta mutwe w’ingabo rigira.

Ibitero byagabwe mu Kinigi mu Ntara y’Amajyaruguru, Polisi y’u Rwanda yahamije ko byakozwe mu buryo “bubabaje cyane” kuko hakoreshejwemo intwaro gakondo zirimo amasuka n’amabuye, ndetse ko inzego z’umutekano zizafata uwo ari we wese wabigizemo uruhare “mu buryo buziguye cyangwa butaziguye.”

Abagabye icyo gitero bemereye itangazamakuru ko baturutse mu mutwe wa RUD Urunana, mu rwunge rw’indi mitwe yitwaje intwaro irimo FDLR na RNC.

Ni imitwe y’abarwanyi ishamikiye ku mashyaka atanu yishyize hamwe mu cyiswe P5 arimo Amahoro People’s Congress, Forces Démocratiques Unifieés – Inkingi (FDU-Inkingi); People’s Defence Pact-Imanzi (PDP-Imanzi), Rwanda National Congress (RNC) na PS Imberakuri (Igice cya Ntaganda Bérnard.)

Kuri uyu wa Gatanu, Umuyobozi w’ishyaka ritemewe rya FDU-Inkingi, Ingabire Victoire Umuhoza aritaba urwego rushinzwe ubugenzacyaha (RIB)

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza