00:00:00 IGIHE NETWORK KN KINYARWANDA EN ENGLISH FR FRANCAIS

Indege ya Mbere itwaye abimukira bavuye mu Bwongereza itegerejwe i Kigali

Yanditswe na Umwali Zhuri
Kuya 14 June 2022 saa 05:55
Yasuwe :

Indege ya mbere itwaye abimukira binjiye mu Bwongereza mu buryo bunyuranyije n’amategeko, itegerejwe i Kigali kuri uyu wa Kabiri nyuma y’uko impande zombi zisinyanye amasezerano n’inkiko zikemeza ko nta mpamvu yatumira abo bimukira batoherezwa mu Rwanda.

Urukiko rw’Ubujurire mu Bwongereza rwaraye rutesheje agaciro ubusabe bw’abashakaga kuburizamo iki cyemezo, rushimangira ko nta mpamvu n’imwe ihari yatuma abo bimukira batoherezwa mu Rwanda.

Nibagera mu Rwanda, bazahabwa amacumbi n’ubufasha mu bijyanye no kuba burimo kuba bakuzuza ibyangombwa bibemerera kuba mu gihugu nk’impunzi.

Bemerewe kuguma mu Rwanda mu gihe kigera ku myaka itanu bahabwa ubufasha burimo uburezi n’ibindi. Ntabwo bafite amahitamo yo kuba basubira mu Bwongereza, keretse ibihugu byabo gusa.

Mu gihe bibayeho ko batabona ubuhungiro mu Rwanda, bashobora kuba basubizwa mu bihugu bakomokamo.

Ntabwo umubare w’abategerejwe i Kigali uratangazwa. Kuva uyu mwaka watangira, u Bwongereza bumaze kwakira abimukira barenga ibihumbi 28 binjiye mu gihugu mu buryo bunyuranyije n’amategeko bakoresheje ubwato buto.

Inzu aba bimukira bazatuzwamo zamaze gutegurwa neza

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .