Inama ku bantu bashaka kujya kwiga mu mahanga n’amahirwe ya buruse ahari

Yanditswe na Iradukunda Serge
Kuya 8 Nzeri 2020 saa 08:16
Yasuwe :
0 0

Kwiga mu mahanga ni indoto ya benshi mu rubyiruko rw’u Rwanda birakushaho kubanezeza iyo aya mahirwe y’ishuri abonetse mu bihugu byateye imbere mu burezi kuko baba bumva ko hari icyo bazungukirayo cyazabafasha guteza imbere igihugu cyabo mu gihe bazaba basubiyeyo.

Gusa nubwo kwiga hanze byifuzwa na benshi ni bake bazi aho bahera n’ibyo bakwitwararika mu gihe bifuza guharanira izi ndoto zabo.

Mu rwego rwo kumenya ibyo ushaka kwiga hanze agomba kwitaho IGIHE yegereye ikigo cya Best World Link Group gisanzwe kizobereye mu kohereza abantu kwiga hanze no kubashakira buruse.

Umuyobozi w’iki kigo Rukundo Charles avuga ko nibura umunyeshuri ushaka kujya kwiga hanze mu by’ibanze agomba kuba yujuje harimo kuba yararangije amashuri yisumbuye kandi agatsinda neza.

Yagize ati “ kugira ngo ujye kwiga mu mahanga bisaba kuba wararangije amashuri yisumbuye, kuba waratsinze neza, kuba ufite ibyangombwa by’Ibanze nka pasiporo, indangamanota zo kuva mu mwaka wa kane, impamyabumenyi y’amashuli yisumbuye ndetse.”

Rukundo avuga ko biba akurusho iyo umunyeshuri azi ururimi rw’Icyongereza byemezwa n’uko Yize amashuli mu cyongereza kandi ko yakomeza mu cyongereza.

Ku munyeshuri ushaka buruse ibi bihagije, kugira ngo atangire gushaka ibigo biri kuzitanga ari ko uzirihirira we aba agomba no kugira icyangombwa cya banki cyerekana ko we cyangwa ababyeyi ye be bafite amafaranga yo kuzamurihirira no kumutunga.

Ibi kandi bijyana na Visa, ku munyeshuri wabonye buruse ntibimugora kuyibona kuko icyo asabwa gusa ari ukwerekana koko ko iyo buruse ayifite.

Muri uru rugendo rwo gushaka kujya kwiga mu muhanga ngo umuntu akwiye kurwitwararikamo kuko umuntu yaruhuriramo n’abatekamitwe bagamije kumucucura utwe bikarangira atabonye ishuri, akaba ariyo mpamvu biba byiza iyo agannye ikigo kizwi kandi kibizobereyemo.

Rukundo avuga ko biba byiza iyo umuntu ugiye kwiga hanze atangiye kwimenyereza bimwe mu bintu bishobora kuzamutonda mu gihe azaba ageze mu gihugu cy’amahanga.

Ati “Biba byiza iyo umunyeshuri amenye ko hari ibintu bizamutonda birimo indyo nshya, ikirere, ururimi, umuco , impinduka z’amasaha. Ibyo byose ariko umunyeshuri abana nabyo igihe gito ubundi akaba yamenyereye.”

Rukundo avuga ko ku munyeshuri ugiye gutangira kaminuza biba byiza iyo atarengeje imyaka 23 kuko ibigo byinshi ariyo bitegeka.

Amahirwe ahari

Best World Link Group nk’ikigo kimaze kohereza abasaga 300 kwiga mu bihugu nka Pologne na Canada, Turikiya, Cyprus, Malaysia, u Burusiya na Ukraine kivuga ko n’uyu munsi hari amahirwe ya buruse ahari ku banyarwanda bashaka kujya kwiga muri Pologne.

Rukundo avuga ko aya mahirwe ahari yagenewe abanyeshuri barangije amashuri yisumbuye mu 2019 bakaba bafite amanota ari hejuru ya 50/73 ndetse bakaba bashaka kwiga amashami y’ubuforomo, farumasi, ubucuruzi ndetse n’ibijyanye n’amahoteli.

Ubuyobozi bwa Best World Link Group buvuga ko uhawe iyi buruse yigira Ubuntu ndetse agahabwa n’amafaranga yo kumubeshaho.

Kimwe n’abandi bose bashaka kujya kwiga hanze umunyeshuri ushaka iyi buruse asabwa kuba afite amanota,kuba afite indangamanota yo kuva mu mwaka wa kane kugera mu wa gatandatu, impamyabumenyi y’amashuri yisumbuye ndetse na pasiporo. Agomba kuba afite urupapuro rwo kwa muganga rwemeza ko afite ubuzima buzira umuze ndetse n"icyemeza ko azi Icyongereza.

Ku munyeshuri wujuje ibi ashobora kwegera Best World Link group aho ikorera muri Downtown Building F3-01 cyangwa akabasura ku rubuga rwabo www.bestworldlink.co.uk

Uretse ubumenyi mu bijyanye n’amasomo Rukundo avuga ko umunyeshuri wize hanze bimufungura kurushaho kuko amenya byinshi bitandukanye birimo n’uko abandi babaho.

Kwiga mu mahanga ni inzozi z'abanyeshuri benshi b'Abanyarwanda
Binyuze muri Best World Link Group abanyeshuri b'Abanyarwanda bahawe amahirwe yo kuminuriza muri Pologne

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .