00:00:00 IGIHE NETWORK KN KINYARWANDA EN ENGLISH FR FRANCAIS

Impumeko iri muri Gare ya Nyabugogo kuri Noheli (Amafoto)

Yanditswe na Mukahirwa Diane
Kuya 25 Ukuboza 2022 saa 04:35
Yasuwe :

Abantu baturutse hirya no hino mu mpande zitandukanye z’igihugu kuva kuri uyu wa Gatanu berekeje muri Gare ya Nyabugogo, gufata imodoka ziberekeza mu duce dutandukanye gusangira n’ababo iminsi mikuru.

Ku wa Gatanu mu gitondo abantu bari uruvunganzoka muri Nyabugogo kubona imodoka bisaba ufite imbaraga kuko no kubona aho uca ujya kugura itike byari ingorabahizi.

Ibi ni ibintu bimaze kuba akamenyero mu gihe cy’iminsi mikuru kubona imodoka ntibiba byoroshye kuko benshi baba bajya mu Ntara zitandukanye kwishimana n’ababo.

Kuri iki Cyumweru ku wa 25 Ukuboza 2023, ku munsi wa Noheli nyirizina abantu muri gare n’ubundi baramutse ari benshi gusa uko amasaha yagiye yigira inyuma bagabanutse no kubona imodoka biroroha.

IGIHE yaganiriye na bamwe mu bagenzi bari muri Gare ya Nyabugogo bavuga ko ubu batagowe no kubona imodoka nk’uko byari bimeze mu minsi ibiri ishize.

Nsengiyumva Vincent yashatse kujya mu Karere ka Nyamasheke kuva kuwa Gatanu abura imodoka, uyu munsi nibwo yabashije kuyibona.

Ati “Kuwa Gatanu naje aha mbura itike bukeye ndagaruka ndayibura uyu munsi nageze aha mu cyakare nibwo nayiboye. Kubona uko tugenda byari bigoye ariko ndishimye ko mbashije kuyibona.”

Uwimana Dative wajyaga mu Karere ka Nyanza yageze muri gare ahita abona imodoka, yavuze ko atigeze agorwa no kubona imodoka.

Ati “Nageze aha mpita mbona itike abantu batubwiraga ko bitoroshye kuyibona ariko mpise nyibona kandi ya hafi.”

Abashaka imodoka bahora basabwa gushaka amatike mbere y’iminsi kugira ngo batazagorwa no kugenda, nk’abifuza kuzagenda ku Bunani bakabaye bayashaka mbere kugira ngo batazahura n’ibi bibazo.

Ingeri zitandukanye bari kujya gushaka imodoka zibajyana kwishimana n'ababo
Imirongo iracyakomeje ariko si nko mu minsi ibiri ishize
Hari abari kugura impamba bajya mu cyaro
Abantu bazindukiye Nyabugogo gushaka amatike
Abantu batangiye kugabanuka muri Nyabugogo
Uwimana Dative avuga ko atagowe no kubona itike y'imodoka
Polisi y'u Rwanda iri gutanga umusanzu
Nsengiyumva yari amaze iminsi ibiri yarabuze itike
Abantu babonye amatike ariko baracyategereje imodoka

Amafoto: Igirubuntu Darcy


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .