00:00:00 IGIHE NETWORK KN KINYARWANDA EN ENGLISH FR FRANCAIS

Ikiraro cya Nyabugogo kiri kubakwa amasigamana (Amafoto)

Yanditswe na Akayezu Jean de Dieu
Kuya 25 May 2022 saa 08:55
Yasuwe :

Ubuyobozi bw’Umujyi wa Kigali bwatangaje ko imirimo yo gusana no kwagura Ikiraro cya Nyabugogo igeze kuri 70% ku buryo hari icyizere ko mu kwezi gutaha kwa Kamena, izaba yarangiye.

Imirimo yo kubaka iki kiraro giherereye mu Murenge wa Kimisagara mu Karere ka Nyarugenge kinyura ku muhanda wa Nyabugogo ahitwa ku Mashyirahamwe, yatangiye mu ntangiro za Mata 2022.

Kuva tariki 20 Kamena 2022, i Kigali hazaba hateraniye Inama ya Commonwealth izwi nka CHOGM. Byitezwe ko ishobora kuzasanga imirimo yo kubaka iki kiraro yararangiye.

Ni icyizere cyatanzwe n’Umuyobozi Mukuru Ushinzwe Imyubakire mu Mujyi wa Kigali, Asaba Katabarwa Emmanuel, wavuze ko kuri ubu imirimo irimo gukorwa ari ijyanye no kumena béton.

Ati “Ako niko kazi gakomeye dufite, duteganya ko birangirana n’uku kwezi kwa Gatanu. Haraba hasigaye rero gukora amasuku kandi nabyo bizarangira mu kwezi kwa Gatandatu.”

Imirimo irimo gukorwa kuri iki kiraro ni ukucyagura no kwagura ruhurura itwara amazi aturuka mu bice bya Kimisagara.

Ni mu gihe kandi n’umuhanda ahegereye iki kiraro wongereweho metero eshatu z’ubugari.

Katabarwa avuga ko hatekerejwe kwagura iki kiraro na ruhurura nyuma y’uko bigaragaye ko amazi yaturukaga mu bice bya Kimisagara anyura muri iyi ruhurura yikubye hafi inshuro eshatu.

Urujya n'uruza rwabaye ruhagaze mu gihe hari kubakwa ikiraro cya Nyabugogo
Ubuyobozi bw'Umujyi wa Kigali bugaragaza ko imirimo irimbanyije ndetse CHOGM izasanga yararangiye
Kuzamura ibyuma bimaze kurangira ubu hasigaye gushyiraho sima, ibizwi nko kumena béton
Ruhurura iri kwagurwa ku buryo amazi atazongera kurenga umuhanda
Iki kiraro kiri mu marembo ya Gare ya Nyabugogo, ikoreshwa n'abantu bavuye mu bice byose by'igihugu
Kubaka iki kiraro biri kwihutishwa kugira ngo CHOGM izasange cyaruzuye

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .