Igisobanuro cy’igihembo Cogebanque yageneye umukinnyi uterera cyane muri Tour du Rwanda

Yanditswe na Ishimwe Israel
Kuya 23 Gashyantare 2020 saa 09:30
Yasuwe :
0 0

Tariki ya 23 Gashyantare nibwo isiganwa mpuzamahanga rizenguruka igihugu ‘Tour du Rwanda 2020’ ryatangiye ku nshuro yaryo ya 12.

Tour du Rwanda nicyo gikorwa cy’imikino cyonyine kigera mu ntara zose z’u Rwanda kandi gikurikiranwa n’Abanyarwanda benshi badasabwe ikiguzi na gito.

Ni inshuro ya kabiri iri siganwa riri kuba riri ku cyiciro cya 2.1 nyuma y’iry’umwaka ushize ryegukanwe n’Umunya-Erythrée Merhawi Kudus wa Astana.

Umunya-Kazakhstan Yevgeniy Fedorov ukinira Vino- Astana Motors yo muri Kazakhstan, ni we wegukanye Agace ka Mbere ka Tour du Rwanda 2020 kahagurukiye i Kigali kerekeza i Rwamagana, kagasorezwa Kimironko.

Uyu mukinnyi w’imyaka 20 yakoresheje amasaha abiri, iminota 44 n’amasegonda 59 ku ntera y’ibilometero 114.4.

Yevgeniy Fedorov yihariye ibihembo by’Agace ka Mbere, anaca agahigo ko kuba umukinnyi mwiza uzamuka uhabwa umwambaro wa Cogebanque.

Ubuyobozi bwa Cogebanque nk’umwe mu baterankunga b’imena ba Tour du Rwanda bwavuze ko bwishimiye uko agace ka mbere kagenze bunakomoza ku mpamvu bwahisemo guhemba umukinnyi mwiza uzamuka.

Umuyobozi ushinzwe Iyamamazabikorwa muri Cogebanque, Iyamuremye Antoine, yavuze ko kuba ko kuba u Rwanda ari igihugu cy’imisozi 1000 ari cyo cyatumye bahitamo guhemba umukinnyi mwiza mu kuzamuka.

Yagize ati “Agace ka Mbere kagenze neza uyu munsi kuko hari harimo agasongero keza ariho basoreje uyu munsi. Cogebanque nk’umuterankunga mukuru wa Tour du Rwanda twishimiye ko abantu bumva imisozi y’igihugu cyacu niyo mpamvu duhemba umuntu wazamutse cyane.”

Muri Tour du Rwanda 2020, Cogebanque niyo izaha umwenda umukinnyi uzaba uwa mbere mu guterera imisozi mu duce (etape) twose umunani. Ni igihembo cyerekana ubwiza bw’u Rwanda nk’igihugu cy’imisozi igihumbi na Cogebanque akaba ari Banki Nyarwanda itanga serivisi mpuzamahanga.

Cogebanque imaze imyaka umunani yinjiye mu gutera inkunga umukino w’amagare uri mu ikunzwe mu Rwanda. Tour du Rwanda ni kimwe mu bikorwa bya siporo iyi banki itera inkunga muri gahunda zayo zo guhindura ubuzima bw’abaturage.

Muri Tour du Rwanda Cogebanque yashyize igirora abakiliya bayo, ibegereza serivisi zitandukanye z’imari.

Iyamuremye avuga ko ubu umukiliya ashobora gufungura konti idakatwa amafaranga ku kwezi.

Ati “Ni byinshi cyane tubateganyiriza [Abanyarwanda]; twabazaniye ya konti ihoraho yitwa Iteze imbere aho umuntu ayifunguza ntihagire amafaranga bamukata ya buri kwezi bita umufuragiro. Udafite konti ayitunge uyu munsi ufite konti abitseho amafaranga, uyifite nta serivisi zijyanye n’ikoranabuhanga ariya makarita cyangwa se mobile banking, uyu munsi ahabwe ibisobanuro kuri izo serivisi ni cyo cyatuzanye ngo tubwire abantu bose ngo nimwaguke hamwe na Cogebanque.’’

Muri Tour du Rwanda kandi Cogebanque yazanye ubukangurambaga yise ‘Aguka hamwe na Cogebanque’.

Muri buri gace mu munani tuzakinwa muri Tour du Rwanda 2020, Cogebanque izajya ifasha Abanyarwanda gufunguza konti, kubitsa no gutsindira amafaranga abahesha n’ibindi bihembo bitandukanye.

Mu gihe cy’irushanwa rizenguruka igihugu Cogebanque izanagira umwanya wo kwegera abantu no kubasobanurira serivisi zayo zitandukanye harimo no kubumvisha ko umuntu wese mu cyiciro arimo ko yakorana na banki.

Umuyobozi Mukuru wa Cogebanque, Cherno Gaye (uwa kabiri ibumoso) na Meya w'Umujyi wa Kigali, Rubingisa Pudence bahembye Yevgeniy Fedorov nk'umukinnyi wahize abandi mu kuzamuka imisozi
Tour du Rwanda yifashishwa nk'uburyo bwa banki bwo gushyikirana n'abayigana
Cogebanque ifasha abakunzi b'amagare kwidagadura binyuze mu ndirimbo n'imbyino
Cogebanque yatangiye gusangiza abitabiriye Tour du Rwanda 2020 serivisi z’imari zihariye itanga
Abanyamahirwe bahabwa amafaranga nyuma yo gufunguza konti
Abanyarwanda bafashijwe gufunguza konti, banashishikarizwa kwizigamira
Cogebanque nk'umwe mu baterankunga b'imena ba Tour du Rwanda, yabukereye
Bruce Melodie na Ama G The Black basusurukije Abanya-Kigali ku munsi watangirijweho Tour du Rwanda 2020

Amafoto: Niyonzima Moïse

Video: Mugwiza Olivier


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .