Uyu musangiro wateguwe na Guverinoma y’u Rwanda wabaye ku mugoroba wo kuri uyu wa Gatatu tariki 25 Mutarama, ku munsi wa kabiri w’uruzinduko rwa Georgieva mu Rwanda.

Georgieva yaje mu Rwanda mu biganiro bigamije kurebera hamwe uburyo ikigega ayoboye cyakomeza kugira uruhare mu gutera inkunga imishinga y’u Rwanda igamije guhashya imihandagurikire y’ikirere.

Ni uruzinduko kandi rugamije kurebera hamwe uburyo IMF yakwifashisha ikigega Resilience Sustainability Facility yashyizeho, mu gufasha ibindi bihugu kubona inkunga yo gufasha imishinga irengera ibidukikije.

Minisitiri w’Imari n’Igenamigambi, Dr Uzziel Ndagijimana niwe wakiriye Georgieva ku meza muri uyu musangiro wabaye kuri uyu wa Kane. Yari kumwe kandi n’abandi bayobozi barimo Guverineri wa Banki Nkuru y’Igihugu, John Rwangombwa.

Mu mafoto yashyizwe hanze, Georgieva yagaragaye yizihiwe kubera itorero nyarwanda ryasusurukije uwo musangiro, ndetse aza guhaguruka hamwe na Minisitiri Ndagijimana na John Rwangombwa, bacinya akadiho.

Biteganyijwe ko Georgieva azasoza uruzinduko rwe mu Rwanda kuri uyu wa Kane tariki 26 Mutarama 2023.

Kristalina Georgieva yishimiye umudiho n'injyana by'imbyino gakondo nyarwanda, akomera amashya itorero ryabasusurukije

Abanyarwandakazi bashayaya mu guha ikaze Kristalina Georgieva wasuye u Rwanda

Intore zaciye umugara mu mudiho uryoheye ijisho

Muri uyu musangiro imbyino nyarwanda nizo zasusurukije abawitabiriye