00:00:00 IGIHE NETWORK KN KINYARWANDA EN ENGLISH FR FRANCAIS

Ibyaranze umwaka wa Perezida Kagame mu ngendo zo mu mahanga

Yanditswe na IGIHE
Kuya 31 Ukuboza 2022 saa 07:45
Yasuwe :

Mu 2022, Perezida Kagame yakoze ingendo hirya no hino ku Isi, harimo nyinshi z’amateka, nk’urwa mbere yakoreye muri Jamaica n’izindi zigamije gushakira umuti ibibazo by’u Rwanda na Repubulika Iharanira Demokarasi ya Congo zabereye muri Kenya.

Mu bihugu yakozemo ingendo inshuro zirenze rumwe, harimo Kenya yagendereye inshuro eshatu zirimo ebyiri yari yitabiriye inama ziga ku bibazo by’umutekano muke mu Karere, u Budage yagiyeyo kabiri harimo inshuro yari yitabiriye inama ijyanye n’Ishingwa ry’uruganda rukora inkingo mu Rwanda, Qatar naho yagiyeyo inshuro zirenze imwe cyo kimwe na Leta Zunze Ubumwe za Amerika.

Ukwezi kwa Mata, ni ko Umukuru w’Igihugu yakozemo ingendo nyinshi kuko yagendereye ibihugu bitandatu.

Ingendo z’Umukuru w’Igihugu hanze y’igihugu, zatangiye muri Gashyantare uyu mwaka, kuko muri Mutarama, ibikorwa bye byose byabereye imbere mu gihugu.

Muri Gashyantare, yakoze ingendo eshanu zirimo urwo yakoreye muri Kenya ari na rwo rwa mbere, akomereza mu Bubiligi, mu Budage aho yagiye mu Mijyi ya Mainz na Munich mbere yo kugaruka muri Afurika muri Sénégal na Mauritaniai i Nouakchott.

Ukwezi kwakurikiyeho kwabayemo ingendo eshatu, harimo urwo Perezida Kagame yakoreye muri Jordanie, avuyeyo akomereza mu Misiri mbere yo gusubira mu Budage ku wa 29 Werurwe.

Muri Mata, Perezida Kagame yagiriye uruzinduko rw’akazi i Livingstone muri Zambia, rwamaze iminsi ibiri, nyuma y’aho ajya muri Kenya ubwo RDC yinjiraga muri EAC.

Yagiye kandi muri Congo Brazzaville ubwo yabonanaga na mugenzi we Denis Sassou N’Guesso nyuma yerekeza muri Jamaica na Barbados asoreza ukwezi muri Uganda ubwo yitabiraga ibirori by’isabukuru ya Gen Muhoozi Kainerugaba.

Muri Gicurasi, Umukuru w’Igihugu yakoreye urugendo rumwe mu Busuwisi, guhera ku wa 23 kugera ku wa 25. Icyo gihe yitabiriye Inama y’Ihuriro ry’Ubukungu ku Isi yabereye i Davos, anabonana n’abayobozi batandukanye barimo mugenzi we wa Malawi, Lazarus Chakwera.

Muri Kamena nabwo Umukuru w’Igihugu yakoze urugendo rumwe mu Mujyi wa Abu Dhabi muri Leta Zunze Ubumwe z’Abarabu, rwabaye ku wa 15 Kamena 2022.

Muri Nyakanga, Umukuru w’Igihugu yitabiriye ibiganiro byamuhuje na mugenzi we wa Repubulika Iharanira Demokarasi ya Congo, Félix Tshisekedi byabereye i Luanda muri Angola.

Mu kwezi kwakurikiyeho, ni bwo Umukuru w’Igihugu yasubukuye ingendo zo gusubukura abaturage imbere mu gihugu aho yagiye mu turere twa Ruhango, Huye, Nyamagabe, Rusizi, Nyamasheke na Karongi.

Muri Nzeri, Umukuru w’Igihugu yasubiye muri Kenya mu irahira rya William Ruto, avuyeyo akomereza i New York ahamara iminsi ibiri mbere yo kujya i Londres gutabariza Umwamikazi w’u Bwongereza, Elizabeth II.

Yasubiye muri Amerika ku wa 20 Nzeri i New York aho yari yitabiriye Inama y’Inteko Rusange ya Loni yabaga ku nshuro ya 77, ahava ajya muri Singapore mu rugendo rwasize Abanyarwanda bibaza niba igihe kizagera mu Rwanda hakabera imikino ya Formula One.

Mu Ukwakira, Umukuru w’Igihugu yatangiriye ukwezi muri Singapore aho yari yageze muri Nzeri, ariko mu mpera zako, urugendo rumwe yakoze yarukoreye muri Mozambique.

Mu Ugushyingo, Perezida Kagame yatangiye icyumweru cya kabiri cy’ukwezi ari mu Misiri mu Nama ya COP27, ahava ajya mu ya G20 muri Indonesia mbere yo kwerekeza i Djerba muri Tunisia mu Nama ya OIF aho Mushikiwabo Louise yatorewe manda ye ya kabiri nk’Umunyamabanga Mukuru wa OIF.

Yahavuye ajya muri Qatar i Doha mu itangizwa ry’Imikino y’Igikombe cy’Isi, ku butumire bw’inshuti ye, Emir wa Qatar, Tamim Bin Hamad Al Thani; akomereza i Niamey muri Niger aho yitabiriye Inama ya AU.

Mu Ukuboza, Umukuru w’Igihugu yakoreye ingendo i Doha aho yitabiriye inama mpuzamahanga yiga ku kurwanya ruswa, akomeza i Genève mbere yo gusoreza ingendo ze muri Leta Zunze Ubumwe za Amerika mu nama ihuza Amerika na Afurika.

Yitabiriwe inama ihuza Afurika na Amerika

Yagiye i Genève mu nama yiga ku bufatanye mu iterambere

Yatumiwe na Sheikh Tamim wa Qatar

Yahuye na bagenzi be bo muri Francophonie i Djerba


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .