00:00:00 IGIHE NETWORK KN KINYARWANDA EN ENGLISH FR FRANCAIS

Iburasirazuba: Abahinzi b’umuceri beretswe ibyiza byo gukorana na BK Insurance

Yanditswe na IGIHE
Kuya 26 Ugushyingo 2022 saa 12:45
Yasuwe :

Sosiyete y’Ubwishingizi ya Banki ya Kigali (BK Insurance) yeretse amakoperative 20 y’umuceri yo mu Ntara y’Iburasirazuba, amahirwe yo gukorana nayo mu gushinganisha ubuhinzi bwabo, inabashimira ku cyizere bayigiriye bakemera gukorana nayo.

Ibi yabigaragaje kuri uyu wa Gatanu tariki ya 25 Ugushyingo 2022, ubwo koperative 20 zikora ubuhinzi bw’umuceri zirimo 12 zisanzwe zikorana na BK Insurance zasobanurirwaga na serivisi z’iyi banki.

Aba bayobozi b’amakoperative basobanuriwe amahirwe ari mu gukorana na BK Insurance ndetse banasobanurirwa n’izindi serivisi z’iki kigo zirimo BK Capital Ltd na BK TechHouse.

Banahawe umwanya wo kubaza kuri serivisi za Banki ya Kigali maze bimwe mu bibazo bagaragaje bihabwa umurongo ibindi biranakemurwa.

Umuyobozi wa koperative COCURIKA, yo mu Murenge wa Kabare mu Karere ka Kayonza, Hategekimana Gerard, yavuze ko basobanuriwe serivisi nyinshi iyi banki itanga batari bazi bakaba biyemeje kugenda bakazisobanurira abanyamuryango ngo kuburyo nabo bayigana.

Ati “ Icyo twishimira muri BK ni uko itanga serivisi vuba kandi byihuse, icya kabiri ni uko muri serivisi iduha idushyirira abanyamuryango kuri konte zabo amafaranga mu buryo bwihuse, hari izindi serivisi tutari tuzi hano badusobanuriye kuburyo tugiye gukangurira abanyamuryango gukoresha iyi banki kugira ngo natwe mu gihe tugiye gufata inguzanyo bijye bitworohera nka koperative.”

Mukaruranga Sarah Ismaila uyobora koperative ya COCRUVAM ihinga umuceri mu Murenge wa Mukarange we yavuze ko BK ifite serivisi nziza nyinshi ndetse ngo zinafitiye umumaro abahinzi.

Ati “Hari amashami menshi bafitiye tutari tuzi twakwisunga akadufasha, twafashe ingamba zo gukangurira abahinzi bacu gukorana ba Banki ya Kigali kugira ngo bibafashe gutera imbere.”

Rwagasana Alice ushinzwe ubucuruzi n’imenyekanishabikorwa muri Bk Insurance yavuze ko baganiriye n’amakoperative y’ubuhinzi n’ubworozi kugira ngo babashimire ubwitange bagize mu kuzana ibihingwa byabo mu bwishingizi bwa BK Insurance.

Ati “ Tumaze umwaka n’igice dutangiye serivisi y’ubwishingizi bw’ibihingwa n’amatungo, umusaruro twabonyemo ni mwiza rero tukaba twiyemeje gusoza umwaka tubashimira, tunashishikariza n’abataraza gukorana natwe kuza tugakorana.”

Rwagasana yavuze ko umusaruro bari gukura mu bwishingizi ushimishije kandi ko koperative nyinshi hirya no hino mu gihugu ziri kubaga ku bwinshi.

Kuri ubu Sosiyete y’ubwishingizi ya Banki ya Kigali yishingira ibihingwa birimo umuceri,ibigori, ibirayi, urusenda,imiteja, soya,ibishyimbo n’imyumbati kuri nkunganire ingana na 40% by’ikiguzi cy’ubwishingizi.

Muri uyu mwaka wa 2022 BK Insurance yishyuye koperative 62 zo hirya no hino mu gihugu izishyura miliyoni 450 Frw. Mu bworozi hishyuwe miliyoni 150 Frw ku borozi bari barashinganishije inka zabo.

Abayobozi b'amakoperative atandukanye ahinga umuceri bishimiye serivisi za BK Insurance
Abayobozi bo mu mashami atandukanye agize BK PLC bahawe umwanya babwira abayobozi b'amakoperative ibyo bakora
Bamwe mu bayobozi b'amakoperative batanze ubuhamya bw'ukuntu BK yabafashije gutera imbere
Bushayija uri mu bayobora koperative ihinga umuceri mu turere twa Kirehe na Ngoma yashimye serivisi za BK Insurance
Umuyobozi Mukuru wa BK Insurance yashimiye amakoperative yemeye gukorana nabo
Umuyobozi wa koperative Copriz Ntende ihinga umuceri mu Karere ka Gatsibo yatanze ubuhamya bw'ukuntu BK yabafashije gutera imbere
Abayobozi ba BK mu mashami atandukanye bitabiriye iki gikorwa

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .