Ibirori byo gushimira abasora ku rwego rw’igihugu byimuwe

Yanditswe na IGIHE
Kuya 22 Ugushyingo 2019 saa 11:12
Yasuwe :
0 0

Ikigo cy’Imisoro n’Amahoro, RRA, cyatangaje ko ibirori byo gushimira ababaye indashyikirwa mu gutanga umusoro neza byagombaga kuba kuri uyu wa Gatanu, byimuriwe ku wa Gatanu w’icyumweru gutaha kubera impamvu zatunguranye.

Ibi birori byagombaga kuba uyu munsi mu nyubako ya Intare Conference Arena i Rusororo, mu Karere ka Gasabo.

Itangazo ryashyizwe ahagaragara na Komiseri Mukuru wa RRA, Bizimana Ruganintwali Pascal, rigira riti “Ikigo cy’imisoro n’amahoro kiramenyesha abantu bose ko ibirori byo kwizihiza umunsi wo gushimira abasora byari biteganyijwe ku wa Gatanu tariki 22 Ugushyingo 2019 byimuriwe ku wa 29 Ugushyingo.”

Uyu munsi ku rwego rw’igihugu ugiye kuba nyuma y’igihe hashimirwa abasore bagiye baba indashyikirwa mu ntara zitandukanye z’gihugu.

RRA ivuga ko mu mwaka wa 2018/19 yinjije miliyari Frw 1,422.9 ku ntego ya miliyari 1,392.1 Frw yari ifite, irenzaho miliyari 30.8 Frw angana na 102%.

Kugeza ubu imisoro ifite uruhare rwa 54.1% mu ngengo y’imari y’igihugu, mu gihe nko mu 1998 yari 36.3%. Muri uwo mwaka u Rwanda rwinjije miliyari 62.8 Frw mu misoro.

Amafoto: Muhizi Serge


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza