00:00:00 IGIHE NETWORK KN KINYARWANDA EN ENGLISH FR FRANCAIS

Ibibazo bibangamiye urubyiruko rwa Commonwealth bigiye gucocerwa i Kigali

Yanditswe na Ntabareshya Jean de Dieu
Kuya 19 June 2022 saa 11:50
Yasuwe :

Kuri iki Cyumweru tariki ya 19 Kamena 2022 i Kigali muri Intare Arena hagiye gutangizwa ku mugaragaro inama y’ihuriro ry’urubyiruko rwo mu bihugu bigize umuryango w’ibihugu bikoresha ururimi rw’Icyongereza, Commonwealth igiye kuba ku nshuro ya 12.

Ni inama yitabiriwe n’urubyiruko rusaga 350 ruturutse mu bihugu binyamuryango wa Commonwealth, iyi nama ya 12 biteganyijwe ko izarebera hamwe icyerekezo cy’urubyiruko.

Iri huriro ry’urubyiruko ni umwanya mwiza rubonye wo kugaragaza zimwe mu mbogamizi zikirubangamiye ndetse no kwerekana ibyifuzo byarwo kuri za guverinoma mu gutegura ahazaza heza h’umuryango wa Commonwealth.

Kugeza ubu ibihugu 54 bigize umuryango wa Commonwealth bifite abaturage basaga miliyari ebyiri ariko 60% ni urubyiruko rufite hasi y’imyaka 30.

Bimwe mu bibazo bibangamiye urubyiruko kuri ubu birimo no kuba Covid-19 yatumye rumwe mu rubyiruko rubura akazi ndetse abandi ntibabashe guhangana ku isoko ry’umurimo.

Biteganyijwe ko muri iri huriro ry’urubyiruko hazareberwa hamwe ingamba zishobora no kuzagezwa ku bakuru b’ibihugu na za guverinoma ku munsi wa nyuma wo gusoza iyi nama.

Uru rubyiruko kandi ruzanagira amahirwe yo guhura n’abakuru b’ibihugu na za guverinoma mu biganiro bitandukanye.

Uyu mwaka iyi nama y’ihuriro ry’urubyiruko rwo mu muryango wa Commonwealth izibanda ku ngingo zitandukanye zirimo imiyoborere myiza, ikoranabuhanga, ubumenyi, guhanga udushya, iterambere rirambye, ubuzima, Covid-19 ndetse n’ubucuruzi.

Abahanzi batandukanye bo mu Rwanda bari babukereye
Urubyiruko rwo mu Buhinde ruri mu basaga 350 bitabiriye
Iyi nama y'iminsi itatu iziga ku bibazo bitandukanye byugarije urubyiruko rwa Commonwealth
Abantu bari urujya n'uruza mu gitondo cyo kuri iki Cyumweru bose bagana kuri Intare Arena
Urubyiruko ruturutse mu bihugu bitandukanye rwabukereye
Iyi nama ni imwe mu zigize CHOGM 2022 iri kubera mu Rwanda
Ingingo zose ziri kuganirwaho zifite aho zihuriye n'icyerecyezo cya Commonwealth
Ni inama ihuza urubyiruko rw'imihanda yose ku Isi, mu kurebera hamwe icyarufasha kwiteza imbere
Inama iri kubera kuri Intare Arena iherereye i Rusororo mu karere ka Gasabo

Amafoto: Yuhi Augustin


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .