Huye: Mu ishyamba rya Kaminuza y’u Rwanda habonetse umurambo w’umusore

Yanditswe na Thamimu Hakizimana
Kuya 27 Ukuboza 2019 saa 01:21
Yasuwe :
0 0

Umurambo w’umusore utaramenyekana imyirondoro wagaragaye mu Ishyamba rya Kaminuza y’u Rwanda Ishami rya Huye, mu Mudugudu wa Mamba, Akagari ka Butare Umurenge wa Ngoma.

Mu gitondo cyo kuri uyu wa Gatanu tariki ya 27 Ukuboza 2019,nibwo umurambo w’uyu musore wagaragaye.

Abagenzi nibo babonye uyu murambo bwa mbere hafi y’umuhanda uva ku Mukoni ujya i Mpare bahita babimenyesha inzego z’umutekano.

Aya makuru akimara kumenyekana Urwego rw’Ubugenzacyaha bwahise buhagera.

Umuvugizi w’ Urwego rw’ Igihugu rw’ ubugenzacyaha, Umuhoza Marie Michelle,yabwiye IGIHE ko imyirondoro ya nyakwigendera itaramenyekana.

Yagize ati “ Nibyo hagaragaye umurambo w’umusore ariko imyirondoro ye ntiramenyekana, haracyakorwa iperereza.”

Biracyekwa ko nyakwigendera yishwe ariko umurambo we wahise ujyanwa ku bitaro bya Huye kugira ngo usuzumwe hamenyekane neza icyamwishe.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .