Hatangiye iperereza ku iraswa rya Hashakimana wari ukurikiranweho kuroga

Yanditswe na

IGIHE

Kuya 16 Kamena 2014 saa 08:34
Yasuwe :
0 0

Nyuma y’aho Umupolisi w’u Rwanda arashe Hashakimana Eric w’imyaka 26 washakaga gutoroka mu gihe Polisi yakoraga iperereza muri dosiye yari akurikiranwemo ijyanye no kuroga abantu mu Karere ka Gicumbi, Polisi yatangiye iperereza ngo hamenyekane niba uwo Mupolisi yaramurashe mu buryo bwubahirije amategeko.
Umuvugizi wa Polisi y’u Rwanda, ACP Damas Gatare, yatangaje Hashakimana yarashwe ashaka gutoroka ariko iperereza rigomba kwerekana neza uko byatangiye n’icyaba cyaratumye amurasa agapfa, (...)

Nyuma y’aho Umupolisi w’u Rwanda arashe Hashakimana Eric w’imyaka 26 washakaga gutoroka mu gihe Polisi yakoraga iperereza muri dosiye yari akurikiranwemo ijyanye no kuroga abantu mu Karere ka Gicumbi, Polisi yatangiye iperereza ngo hamenyekane niba uwo Mupolisi yaramurashe mu buryo bwubahirije amategeko.

Umuvugizi wa Polisi y’u Rwanda, ACP Damas Gatare, yatangaje Hashakimana yarashwe ashaka gutoroka ariko iperereza rigomba kwerekana neza uko byatangiye n’icyaba cyaratumye amurasa agapfa, kandi ikizavamo kizashyirwa hagaragara.

muvugizi wa Polisi y’u Rwanda, ACP Damas Gatare

ACP Gatare yatangaje ko Hashakimana yari yabwiye inzego za Polisi ku Cyumweru ko yagize uruhare muri dosiye yo kuroga yakurikiranwaga, anasaba ko yajya kwerekana aho yakuye uburozi, bageze mu nzira ashatse gutoroka asimbutse imodoka araraswa.

Umuvugizi wa Polisi yijeje ko iryo perereza rizerekana niba koko uwo Mupolisi yarubahirije amategeko kumurasa, ariko akanibutsa abantu kwirinda kumva gukwirakwoza impuha mbere y’uko iperereza rigira icyo ryerekana.

Nyuma y’aho Polisi itangaje iby’iryo raswa, bamwe batangiye kwibaza uko Hashakimana wari mu mudoka agiye kwerekana aho yakuye uburozi yari akurikiranweho, yasimbutse imodoka ashaka gutoroka kandi Polisi ikoresha amapingu ku bo yafashe.

Ikindi kandi hari n’abavuga ko Umupolisi yari kumurasa ahatuma adacika, ariko ntamurase aho ahita amwica.

Hashakimana yarashwe mu gitondo cyo kuwa 15 Kamena berekeje mu gasantere k’ubucuruzi ka Rukomo mu Mudugudu wa Nyamiyaga, Umurenge wa Kageyo, Akarere ka Gicumbi.

Hashakimana Eric warashwe agahita apfa

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza