00:00:00 IGIHE NETWORK KN KINYARWANDA EN ENGLISH FR FRANCAIS

Guverineri Habitegeko yavuze ku mutekano w’Abanyarwanda bari i Goma

Yanditswe na IGIHE
Kuya 16 June 2022 saa 09:24
Yasuwe :

Guverineri w’Intara y’Uburengerazuba, Habitegeko François, yavuze ko guverinoma ya Repubulika Iharanira Demokarasi ya Congo ifite inshingano zo kurinda abanyarwanda baba i Goma n’imitungo yabo.

Ni nyuma y’imyigaragambyo ikomeye yabaye kuri uyu wa Gatatu, aho abanye-Congo bigaragambirije ku mupaka wa Goma bagatera amabuye mu Rwanda barushinja gufasha M23.

Abakoze imyigaragambyo kandi banateye amaduka arimo ay’Abanyarwanda bakorera i Goma, amwe barayasahura, andi bagerageza kwica ingufuri ariko inzego z’umutekano zigerageza kubatesha.

Guverineri Habitegeko yavuze ko ari inshingano z’ubuyobozi bwa RDC guharanira ko abaturage bari mu gihugu cyabo batekana n’ibyabo. Yakomeje avuga ko u Rwanda ruzakomeza gufungura umupaka, kandi ntawe ruzabuza kwinjira mu gihugu.

Ati "Ariko niba abayobozi ba RDC bahisemo kwanga ko abantu binjira mu gihugu cyabo, ibyo ni ibyabo si ibyacu".

Habitegeko yavuze ko ibintu byifashe neza mu Ntara y’Iburengerazuba, asaba abaturage kudakuka umutima kuko inzego z’umutekano ziri maso.

Yasabye abanyarwanda kugira amakenga y’ubuzima bwabo by’umwihariko abambuka umupaka bajya i Goma, kuko ubuyobozi butabijeje umutekano igihe bambutse.

Ubuyobozi bwa RDC bushinja u Rwanda gufasha M23 ndetse ko rufitemo abasirikare, ariko Ingabo z’Umuryango w’Abibumbye ziri mu butumwa muri iki gihugu (Monusco) zemeje ko nta gihamya zifite ko u Rwanda rufite ingabo muri RDC.

Abanye-Congo kuri uyu wa Gatatu bakoze imyigaragambyo i Goma

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .