Gusuzumisha ubuziranenge byasubukuwe ku binyabiziga byose

Yanditswe na IGIHE
Kuya 9 Nzeri 2020 saa 06:54
Yasuwe :
0 0

Polisi y’u Rwanda yatangaje ko ikigo gisuzuma ubuziranenge bw’ibinyabiziga cyatangiye kwakira ubwoko bwose, nyuma y’igihe bihagaritswe mu kwirinda ikwirakwira rya Coronavirus.

Uko indi mirimo yagendaga isubukurwa, guhera ku wa 4 Kanama 2020 Ikigo gisuzuma ubuziranenge bw’ibinyabiziga cyasubukuye imirimo, haherwa ku binyabiziga bikora ubucuruzi gusa, ni ukuvuga bisi nto n’inini zitwara abagenzi, n’amakamyo atwara ibicuruzwa.

Mu butumwa Polisi y’u Rwanda yashyize ahagaragara kuri uyu wa Gatatu, yagize iti "Polisi y’u Rwanda iramenyesha abaturarwanda bose ko ikigo gisuzuma ubuziranenge bw’ibinyabiziga cyatangiye kwakira ubwoko bwose bw’binyabiziga."

"Abantu bari barishyuye ndetse bakanahabwa gahunda yo gusuzumisha ibinyabiziga byabo mbere y’uko ikigo gisubika imirimo muri Werurwe 2020, nibo bazahabwa amahirwe ya mbere kandi ntibazishyuzwa bushya."

Muri Gashyantare uyu mwaka nibwo hatangajwe ibiciro bishya byo gusuzuma ibinyabiziga, ibizwi nka Contrôle Technique, aho byazamuwe byikuba inshuro ebyiri, ndetse n’amapikipiki atasuzumwaga akaba agomba kujya asuzumwa.

Ipikipiki ifite cyangwa idafite intebe ku ruhande n’ikinyabiziga cy’amapine atatu kitarengeje ibiro 500, igiciro cy’isuzuma rya mbere n’irya kabiri hatabariwemo imisoro ni 6000Frw mu gihe iteka ryari risanzwe rigaragaza ko byari 3000Frw.

Isuzuma rya mbere n’irya kabiri ku modoka zakorewe gutwara abantu zitarengeje uburemere bwa toni eshatu n’igice kandi zifite imyanya itarenga umunani yo kwicarwamo, hatabariwemo uw’umuyobozi, ryavanywe ku bihumbi 10Frw rishyirwa kuri 20.000Frw mu gihe irihinyuza ryavanywe ku 2000Frw rigashyirwa kuri 4000Frw.

Iri teka rigaragaza ko isuzuma rya mbere n’irya kabiri ry’imodoka zakorewe gutwara abantu mu buryo bwishyura cyangwa zikora indi mirimo y’ubucuruzi, zitarengeje uburemere bwa toni eshatu n’igice kandi zifite imyanya umunani yo kwicarwamo, hatabariwemo uw’umuyobozi ryavanywe ku bihumbi 10Frw rigashyirwa kuri 20 000Frw mu gihe irihinyuza ryavanywe kuri 2000Frw rigashyirwa kuri 4000Frw.

Isuzuma rya mbere n’irya kabiri ku modoka zakorewe gutwara ibintu zifite uburemere ntarengwa bwa toni eshatu n’igice ryavuye ku bihumbi 15Frw rishyirwa kuri 30.000Frw mu gihe irihinyuza ryavanywe kuri 3000Frw rigashyirwa kuri 6000Frw.

Gusuzumisha ibinyabiziga rusange byasubukuwe

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .