00:00:00 IGIHE NETWORK KN KINYARWANDA EN ENGLISH FR FRANCAIS

Gisozi: Cogebanque yatanze umusanzu ku banyeshuri bo mu mashuri abanza

Yanditswe na Mukahirwa Diane
Kuya 11 Ugushyingo 2022 saa 05:33
Yasuwe :

Banki y’Ubucuruzi ya Cogebanque yatanze umusanzu mu burezi bw’abanyeshuri biga ku ishuri ribanza rya Kariyeri, riherereye mu Murenge wa Gisozi.

Iki gikorwa iyi banki yagiteguye ifatanyije n’umuryango ufasha abana Care and Help n’Umurage, aho batanze ibitabo , amakaye ibihumbi bitatu ku banyeshuri 300 n’amafaranga y’ishuri ku bana 150.

Iki ni kimwe mu bikorwa Cogebanque isanzwe ikora bijyanye no kugira umusanzu itanga muri sosiyete by’umwihariko ubu ikaba yibanze ku gushyigikira uburezi.

Umuyobozi ushinzwe Iyamamazabikorwa muri Cogebanque, Iyamuremye Antoine, yavuze ko iyi banki yahisemo gukora iki gikorwa mu rwego rwo gushyigikira uburezi nk’inkingi ya mwamba mu iterambere ry’igihugu.

Ati “Muri Cogebanque twizera ko uburezi ari inkingi ikomeye mu iterambere ry’igihugu n’umuyoboro ufasha umuntu kubona ubumenyi n’uburere bumuhindura uzagira umusanzu atanga mu muryango ndetse no muri sosiyete muri rusange. Niyo mpamvu twahisemo gutanga umusanzu wacu mu burezi.”

Umuyobozi wa Care and Help, Gatsinzi Gloria, yavuze ko iki ari igikorwa kigamije gushyigikira abana.

Ati “Iki ni ikintu gikomeye duha n’agaciro kubera ko uyu ni umurage tuba duha abana w’uburezi, ufite ikintu uha umwana wakimuha kuko kumuha uba ubitsa ubutunzi ahantu hakomeye kuko ni urubuto ruzabyara umusaruro ukomeye.”

Ku ruhande rw’Umuyobozi wa EP Kariyeri, Hakuzimana Alexandre, yashimye iyi banki kuba yabahaye iyi nkunga avuga ko agiye gushyigikira ireme ry’uburezi.

Ati “Iyi nkunga twahawe twayakira neza kuko ije kudufasha kuzamura ireme ry’uburezi kuko hari abana dufite baturuka mu miryango itishoboye, batabashaga kubona ibikoresho bikaba byabadindiza.”

Cogebanque yemewe na Banki Nkuru y’u Rwanda gukorera mu gihugu mu 1999, imaze kugira amashami 28 hirya no hino ayifasha kugeza serivisi ku bayigana.

Ifite ATM 36, aba-agents barenga 600 bayifasha gutanga serivisi zo gufunguza konti, kubitsa no kubikuza zirimo n’izifashisha ikoranabuhanga binyuze muri Internet Banking, Mobile Banking (*505# cyangwa Coge mBank), SchoolGEAR, ikarita Smart cash, ikarita ya SafariBus ndetse n’amakarita ya MasterCard (Debit, Credit na Prepaid) afasha abayakoresha kwishyura no kubikuza ahantu harenga miliyoni 36 ku Isi yose.

Iki gikorwa iyi banki yagiteguye ifatanyije n’umuryango ufasha abana Care and Help n’Umurage, aho batanze ibitabo 40, amakaye ibihumbi bitatu ku banyeshuri 600 n’amafaranga y’ishuri ku bana 150
Umuyobozi wa Care and Help, Gatsinzi Gloria, yavuze ko iki ari igikorwa kigamije gushyigikira abana
Banki y’Ubucuruzi ya Cogebanque yatanze umusanzu mu burezi bw’abanyeshuri biga ku ishuri ribanza rya Kariyeri, riherereye mu Murenge wa Gisozi
Umuyobozi wa EP Kariyeri, Hakuzimana Alexandre, yashimye iyi banki kuba yabahaye iyi nkunga, avuga ko agiye gushyigikira ireme ry’uburezi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .