Gisagara: Umwarimu akurikiranyweho gusambanya umunyeshuri w’imyaka 15

Yanditswe na IGIHE
Kuya 12 Ukwakira 2019 saa 03:48
Yasuwe :
0 0

Umwarimu witwa Musabyimana Emmanuel wigisha ku Rwunge rw’Amashuri rwa Gasagara mu Murenge wa Gikonko mu Karere ka Gisagara yatawe muri yombi akurikiranyweho icyaha cyo gusambanya umwangavu w’imyaka 15 yigishaga.

Yatawe muri yombi n’Urwego rw’Igihugu rushinzwe Ubugenzacyaha mu masaha y’umugoroba yo kuri uyu wa Gatanu asohowe mu ishuri nyuma y’ikirego cyatanzwe n’umubyeyi w’uwo mwana.

Umuyobozi w’Urwunge rw’Amashuri rwa Gasagara, Musasanzobe Valentine, yabwiye IGIHE ko uwo mwana yiga mu mwaka wa kabiri w’amashuri yisumbuye.

Ati “Ni umubyeyi w’uwo mwana watanze amakuru, ntabwo bavuga igihe nyirizina yamusambanyirije, haciye iminsi kuko umwana yari yabanje kubihakanira iwabo hashize iminsi arabyemera.”

Musabyimana yigisha mu mashuri atandukanye kuva mu mwaka wa Mbere kugeza mu wa Gatatu.

Umuvugizi wa Polisi mu Ntara y’Amajyepfo, CIP Twajamahoro Sylvestre, yabwiye IGIHE ko uwo mwarimu ari gukorwaho iperereza.

Ati “Ari gukorwaho iperereza kuri ubu afungiye kuri Sitasiyo ya RIB ya Gikonko, haracyashakishwa ibimenyetso ko yaba yaramusambanyije koko.”

Uwo mwana we yajyanywe kwa muganga gusuzumwa ngo harebwe ko hari ikibazo afite.

Musabyimana yafashwe nyuma y’iminsi mike abandi barimu babiri bo mu Murenge wa Gikonko mu Karere ka Gisagara baguwe gitumo bafite abakobwa babiri bataye ishuri mu macumbi, batabwa muri yombi bakekwaho kubasambanya.

-  Inkuru wasoma: Gisagara: Abarimu babiri baguwe gitumo bafite abakobwa mu macumbi barimo utaruzuza imyaka y’ubukure

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza