00:00:00 IGIHE NETWORK KN KINYARWANDA EN ENGLISH FR FRANCAIS

Gicumbi: Uwacukuraga umucanga muri ruhurura yagwiriwe n’ibitaka arapfa

Yanditswe na Evence Ngirabatware
Kuya 4 Ugushyingo 2022 saa 06:01
Yasuwe :

Umugabo witwa Itangishatse Jean Baptiste wacukuraga umucanga aho imvura yatenguye muri ruhurura, ibitaka byamuguyeho ari byinshi abura umwuka ahita apfa.

Ibi byabereye mu mudugudu wa Mucyeri, Akagari ka Nyarutarama, mu murenge wa Byumba kuri uyu wa 4 Ugushyingo 2022.

Ubuyobozi bw’umurenge wa Byumba busaba abaturage kwirinda gucukura ahantu hashyira ubuzima bwabo mu kaga.

Umunyamabanga nshingwabikorwa w’umurenge wa Byumba Ngezahumuremyi Theoneste, aganira na IGIHE yagize ati "Abaturage turabasaba gucukura umucanga ahantu babona ko bitabaviramo urupfu".

Yakomeje avuga ko Itangishatse asize umugore n’abana babiri, agasaba abaturage ko bakorera ubucukuzi ahantu hemewe, atari ukujya muri ruhurura kandi bakazirikana guca imirwanyasuri kuko bigaragara ko ahatengutse byatewe n’imvura nyinshi.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .