00:00:00 IGIHE NETWORK KN KINYARWANDA EN ENGLISH FR FRANCAIS

Gicumbi: Akurikiranyweho gufata ku ngufu umukecuru wamwugamishije

Yanditswe na IGIHE
Kuya 21 July 2022 saa 02:14
Yasuwe :

Tariki ya 15 Nyakanga 2022, Ubushinjacyaha ku rwego rwisumbuye rwa Gicumbi, rwagejeje imbere y’Urukiko umugabo w’imyaka 35 y’amavuko, utuye mu Karere ka Rulindo, Umurenge wa Murambi, Akagari ka Gatwa, bumukurikiranyeho icyaha cyo gukoresha imibonano mpuzabitsina ku gahato umukecuru w’imyaka 58 y’amavuko.

Icyo cyaha yagikoze tariki 24 Werurwe 2022 ubwo yari agiye kugama imvura ageze mu rugo asanga umukecuru yicaye ku buriri ahita amusunikiraho baragundagurana ariko amurusha imbaraga aramusambanya.

Icyo gihe bivugwa ko yanamurumye ijisho aramukomeretsa bikomeye, arangije ahita atoroka.

Mu kwiregura kwe, uregwa yemera icyaha akagisabira imbabazi, kandi akemera ko yagikoze azi ko gihanwa n’amategeko, ari na yo mpamvu yahise atoroka akaza gufatirwa ku kindi cyaha yari yakoze.

Uyu mugabo naramuka ahamwe n’icyaha azahanishwa igihano cy’igifungo hagati y’imyaka 10 na 15 n’ihazabu hagati ya 1.000.000 na 2.000.000 nk’uko giteganywa mu ngingo ya 134 y’itegeko no Nº68/2018 ryo ku wa 30/08/2018 riteganya ibyaha n’ibihano muri rusange

Uru rubanza ruzasomwa ku wa 28 Nyakanga 2022.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .