Gatsata: Hagaragaye umurambo w’umukobwa wiciwe mu ishyamba

Yanditswe na Thamimu Hakizimana
Kuya 19 Ugushyingo 2019 saa 09:47
Yasuwe :
0 0

Umurambo w’umukobwa witwa Mukashyaka Nyirabazimaziki bikekwa ko yishwe wagaragaye mu ishyamba ritandukanya Umurenge wa Gatsata n’uwa Jali yo mu Karere ka Gasabo.

Ku wa Mbere, tariki 18 Ugushyingo 2019, nibwo umurambo w’uyu mukobwa uvuka mu Karere ka Gakenke wagaragaye muri iryo ishyamba ufite ibikomere mu mutwe bikekwa ko yishwe.

Ibyangombwa bya nyakwigendera byagaragaye hafi y’aho umurambo we wari uri.

Umunyamabanga Nshingwabikorwa w’Umurenge wa Gatsata, Iyamuremye François, yabwiye IGIHE ko bikekwa ko uyu mukobwa ashobora kuba yarishwe kubera ko hari ibikomere bamusanganye.

Ati “Ni umukobwa wari afite igikomere kitari kinini mu mutwe. Birashoboka ko yishwe anizwe hagakekwa ko bahamujugunye.”

Yasabye abaturage gutangira amakuru ku igihe igihe cyose babonye cyangwa baketse ikintu gishobora guhungabanya umutekano, kikaba cyanakwambura abantu ubuzima.

Umurambo wa Mukashyaka wajyanwe n’imodoka ya Polisi ku Bitaro bya Kacyiru kugira ngo usuzumwe.

Umurambo w’umukobwa bikekwa ko yishwe wagaragaye mu ishyamba ritandukanya Umurenge wa Gatsata n’uwa Jali

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza