00:00:00 IGIHE NETWORK KN KINYARWANDA EN ENGLISH FR FRANCAIS

Gasabo: Umukobwa yasanzwe mu nzu yapfuye, nyirayo w’umumotari arembye bikomeye

Yanditswe na IGIHE
Kuya 25 Ukuboza 2020 saa 10:57
Yasuwe :
0 0

Umusore w’imyaka 23 ukora umwuga wo gutwara abantu kuri moto, yasanzwe mu nzu arembye bikomeye irimo umurambo w’umukobwa, aho bivugwa ko uwo mumotari yaba ariwe wamwishe hanyuma akagerageza kwiyahura.

Uwo murambo wasanzwe mu Mudugudu wa Gisasa mu Kagari ka Ngara mu Murenge wa Bumbogo mu Karere Gasabo.

Umuvugizi w’Umusigire wa RIB, Dr Murangira B. Thierry, yabwiye IGIHE ko RIB iri gukora iperereza kuri iki kibazo nyuma yo guhabwa amakuru n’abaturage ko hari umuntu wapfiriye mu nzu.

Ati “RIB yakiriye amakuru ko hari abantu bashobora kuba bapfiriye mu nzu, hanyuma RIB yihutira kujyayo igezeyo isanga umusore w’imyaka 23 ameze nabi bikekwa ko yagerageje kwiyahura akoresheje umuti wica udukoko. Hanyuma umukobwa witwa Uwamahoro Denise yapfiriye mu nzu y’umumotari bikekwa ko yapfuye anizwe.”

Umurambo w’uyu mukobwa wajyanywe mu bitaro muri Rwanda Forensic Laboratory ku Kacyiru kugira ngo ukorerwe isuzuma naho uwo mumotari ari kwitabwaho mu bitaro bya Kibagabaga. Ubu iperereza rirakomeje kugira ngo hamenyekane icyaba cyateye urwo rupfu.

RIB iri gukora iperereza ku rupfu rw'umukobwa wasanzwe mu rugo rw'umumotari yapfuye

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .