Gakenke: Abantu bataramenyekana batemye inka ya Nyiransabimana yahawe muri Girinka

Yanditswe na N.Kubwimana Janvière
Kuya 6 Kamena 2020 saa 02:59
Yasuwe :
0 0

Mu Karere ka Gakenke, Umurenge wa Busengo Akagari ka Mwumba, abantu bataramenyekana batemye inka ya Nyiransabimana Dative yari yarahawe muri gahunda ya Girinka.

Ni amakuru yamenyekanye mu gitondo cyo kuri uyu wa 6 Kamena 2020, aho uyu Nyiransabimana w’imyaka 54 y’amavuko yari agiye gukora isuku mu kiraro cy’iyi nka, agasanga bayitemye amaguru y’inyuma yose imihoro igera kuri ine.

Umunyamabanga nshingwabikorwa wUmurenge wa Busengo Uwimana Dieudonne avuga ko amakuru bayamenye, ubu bakaba bagiye gukurikirana uwakoze ibi bafatanije n’inzego zibishinzwe.

Yagize ati "Mu gitondo nibwo twamenyeshejwe aya makuru aturutse ku kagari ka Mwumba uyu muturage atuyemo, twamenyeshejwe ko inka ye bayitemye, ubu ndi mu nzira nerekezayo kugira ngo turebe imiterere y’iki kibazo, nyuma hakurikiranwe uwaba yabikoze dufatanije n’inzego zibishinzwe, kuko ubu ntitwari twamumenya"

Kugeza ubu n’ubwo iyi nka ikomeje kwitabwaho na muganga w’amatungo, ariko imeze nabi kuko ifite ibikomere bine binini by’imihoro yatemeshejwe ikaba itabasha guhagarara.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .