Dutemberane umujyi wa Berne mu Busuwisi, ukunze gusanishwa n’u Rwanda (Amafoto)

Yanditswe na Karirima A. Ngarambe
Kuya 17 Ukuboza 2019 saa 08:53
Yasuwe :
0 0

Abantu batuye cyangwa bagendereye u Busuwisi ariko bazi n’u Rwanda, bakunze gusanisha ibi bihugu byombi kubera ko bisa mu butumburuke bw’imisozi ibigize, imigezi ibitembamo n’ubwiza bwizihira uhareba.

Byongeye, u Busuwisi ni igihugu giteye imbere cyane ku bworozi, aho usanga muri iki gihugu usanga inka zibyagiye hirya no hino. Gusa ubisanga cyane mu karere kazwi cyane ka Berne, ari nako ngiye kubatembereza mbereka mu mafoto.

Umujyi wa Berne ni nawo murwa mukuru w’u Busuwisi, ukikijwe n’umugezi wa Aar, utuma ubwiza bwawo burushaho kurangaza abahasura.

Uyu mujyi urebye mu mateka yawo uko yanditse n’abanyamateka inkomoko yawo ihera mu kinyejana cya cumi na kabiri, usanga rwose hari ahantu guhera icyo gihe hakimeze uko hari hameze aho bita umujyi ushaje cyangwa se umujyi uko wasigasiwe guhera kera.

Ni umujyi utuwe n’abaturage babarirwa muri miliyoni 1.031 imibare yo mu kuboza 2019

Berne ni umujyi wa gatanu mu bunini wo mu Busuwisi, guhera muri 1848 niwo murwa mukuru w’icyo gihugu akaba ari naho hakoraniye ibikorwa bya Politiki nka za Minisiteri, Inteko nshinga mategeko n’ibindi,

Ni umujyi uvuga Ikidage cyane, kigakurikirwa n’Igifaransa. Uherereye mu birometero 30 uvuye mu majyaruguru y’uruhererekane rw’imisozi ya Alpes isurwa cyane kubera uburanga bwayo ikaba yaranashyizwe mu byiza bitatse Isi umuryango mpuzamahanga wa UNESCO usigasira

Uyu mujyi utandukanye cyane na Genève kuko uritaruye kandi uratuje, cyane bikaba bimwe mu bikurura ba mukerarugendo baba baje gusura « Maison de Gruyère – Fromagerie, cyangwa kuzamuka mu misozi yaho bita Le Moléson hejuru cyane mu misozi ifite ubutumburuke bwa 2002 iherereye mu Canton ya Fribourg, mu karere ka Gruyère

Uhasanga urutonde rw’imisozi bita "Préalpes Fribourgeoises" ruri ku murongo hakaba harubatswe uburyo buhanitse bwo kuyisura hakoreshejwe ibyuma bizamura abantu kuva ku butaka ugera mu gasongero k’umusozi aho uba witegereza neza ubwiza bw’uwo mujyi wa Gruyère, ibibaya n’inzuzi z’iwukikije, wumva umuyaga mwiza kandi utuje.

Aho hejuru haba harubatswe amaresitora yo ku rwego rwo hejuru amenyereye kwakira ba mukerarugendo binjiza akayabo k’amadovize, muri ibyo byose baba bje gusura.

Uhasanga ubwiza bw’imisozi yahanzwe na Rurema bayibyaza umusaruro mu buryo bwose bushoboka, kuko kubera ukuntu baba barahakoze bitwaye amafaranga menshi, akantu kaho kose ni ugukora mu mufuka.

Iyo uhavuye ukamanuka usubira ku butaka, haba habaye ku kagoroba uhura n’inka zitashye zivuye mu rwuri zifite inzogera zigenda zivuga umuhanda wose abashumba baziririmbira mu buryo bwabo, imodoka n’abagenzi bo ku maguru bagahagarara kuko biba ari ibirori, narabibonye nti "koko Inka burya ku Isi hose ni itungo rikomeye" kuko nabonye bijya gusa n’ibyo mu Rwanda.

Umujyi wa Berne ni umujyi utuje ukoraniyemo amabanki menshi, uberamo amahuriro menshi mu bijyanye n’ubukungu bugana ku mari.

Ni ahantu hatari hanini cyane ariko hinjiza akayabo k’amafaranga menshi.

Ni umujyi uhorana amafu, aha ni ku iriba inka zishokaho
Uyu mujyi ukungahaye cyane ku bworozi bw'inka
Umujyi wa Berne ufite imyubakire yihariye
Aborozi bo mu Busuwisi ni abahanga cyane
Ni umujyi ugendwa cyane
Ni umujyi urangwamo imyubakire igezweho
Uyu mujyi wubatswe ku mugezi wa Aar
Aha ni ho hakorera Banki Nkuru y'Igihugu y'u Busuwisi
Inzu z'umwimerere za kera z'Abasuwisi
Ushobora gutembera umujyi ukoresheje ubwato
Umwe mu borozi bo muri uyu mujyi
Ni ahantu hagizwe n'imisozi, ushobora kwitegereza hakurya
Inzu zo hambere n'ubu ziracyakoreshwa
Iri riba ryo mu 1890 rishorwaho inka ndetse rigakoreshwa n'abantu
Aha ni mu mujyi wa Berne rwagati
Ni ahantu borora cyane inka zitanga umukamo
Uyu mujyi ufite isuku, ukagira amafu cyane cyane kubera ibiti biwuteyemo
Inka ziba zambaye inzogera, zikagenda baziririmbira igihe zitashye cyangwa zishotse

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .