00:00:00 IGIHE NETWORK KN KINYARWANDA EN ENGLISH FR FRANCAIS

Denmark yagejeje i Kigali Mbarushimana ukurikiranweho ibyaha bya Jenoside

Yanditswe na

Jean Claude Ntawitonda

Kuya 3 July 2014 saa 08:46
Yasuwe :

Polisi ya Denmark yagejeje i Kigali Mbarushimna Emanuel ukekwaho kugira uruhare muri Jenoside yakorewe Abatutsi, ku mugoroba wo kuri uyu wa Kane tariki 3 Nyakanga 2014, ahagana saa moya n’iminota 46 ku isaha y’i Kigali.
Mbarushimana ashinjwa kugira uruhare muri Jenoside mu cyari Komini Muganza muri Perefegitura ya Butare. Yatawe muri yombi mu mwaka 2010 amaze imyaka 10 muri Denmark hagendewe ku mpapuro zimufata yari yarashyiriweho n’u Rwanda.
Mbarushimana yabanje guhatana mu butabera (…)

Polisi ya Denmark yagejeje i Kigali Mbarushimna Emanuel ukekwaho kugira uruhare muri Jenoside yakorewe Abatutsi, ku mugoroba wo kuri uyu wa Kane tariki 3 Nyakanga 2014, ahagana saa moya n’iminota 46 ku isaha y’i Kigali.

Polisi y'u Rwanda imaze gushyikirizwa Mbarushimana

Mbarushimana ashinjwa kugira uruhare muri Jenoside mu cyari Komini Muganza muri Perefegitura ya Butare. Yatawe muri yombi mu mwaka 2010 amaze imyaka 10 muri Denmark hagendewe ku mpapuro zimufata yari yarashyiriweho n’u Rwanda.

Mbarushimana yabanje guhatana mu butabera avuga ko atizeye ubutabera bw’u Rwanda, ariko biba iby’ubusa Ubutabera bwa Denmark bumwohereje kuburanira aho ibyaha ukurikiranweho byakorewe.

Yahise yurizwa imodoka ajyanwa gufungwa

Alain mukurarinda, umuvugizi w’ubushinjacyaha bwa Repubulika y’u Rwanda yagaragaje ko ubutabera bw’u Rwanda bwashimishijwe n’umwanzuro w’ubutabera bwa Danemark bwo kohereza Mbarushimana wari amaze igihe asaba ko iki cyemezo cyahagarikwa.

Ibyaha akurikiranweho biri mu moko abiri ari yo ibyaha bya Jenoside bikubiyemo gucura umugambi no gukora Jenoside, ubufatanyacyaha muri yo, ndetse n’ubundi bwoko bw’ibyaha byibasiriye inyokomuntu birimo ubwicanyi ndengakamere.

Mukurarinda yasobanuye ko nyuma yo gushyikirizwa ubutabera bw’u Rwanda, Mbarushimana agiye kunyura mu nzira zisanzwe z’ubutabera bugenerwa aboherejwe mu kuburanira mu Rwanda bavuye mu mhanga.

Yakomeje asobanura ko Mbarushimana yacumbikiwe na polisi nyuma yo gusobanurirwa ibyaha akurikiranweho ndetse n’uburenganzira afite mu Rwanda.

Yagize ati “Igikurikiraho ni uburyo busanzwe bw’ubutabera mu Rwanda, nk’uko mwabibonye yazanwe na polisi ya Danemark, imushyikiriza iy’u Rwanda , arabanza amenyeshwe ibyaha akurikiranweho, amenyeshwe uburenganzira bwe Polisi ikomeze imubaze mu gihe cy’iminsi itanu hanyuma yohereze dosiye mu bushinjacyaha hanyuma ubushinjacyaha na bwo bukomeze iperereza rwabwo”.

Byitezwe ko nyuma y’iperereza idosiye ya Mbarushimana, wahoze ari inspecteur mu cyahoze ari Perefegitura ya Butare, izashikirizwa urukiko kugira ngo atangire kuburanishwa mu mizi.

Mukurarinda yagaragaje ko ubutabera bwa Danemark bwagaragaje isura nziza itera u Rwanda icyizere ko n’abandi basigaye batarafatwa muri iki gihugu bizashyira bagashyikirizwa ubutabera, cyane ko bigaragara ko bufite abashinjacyaha n’abanyamategeko bafite ubunararibonye mu kuburuanisha imanza mpuzamahanga.

[email protected]

Amafoto/ Faustin N.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .