Coronavirus ku wa 07 Nzeri: U Buhinde bwabaye igihugu cya kabiri ku Isi cyibasiwe

Yanditswe na IGIHE
Kuya 7 Nzeri 2020 saa 08:00
Yasuwe :
0 0

U Buhinde nicyo gihugu cya kabiri ku Isi magingo aya cyibasiwe n’icyorezo cya Coronavirus kurusha ibindi byose ku Isi, giciye kuri Brésil yari imaze igihe ifite uyu mwanya.

Ubu u Buhinde bufite abantu 4.204.613 banduye Coronavirus na 71687 bamaze guhitanwa n’iki cyorezo. Leta Zunze Ubumwe za Amerika nicyo gihugu cyibasiwe cyane aho kimaze gupfusha abantu 193250 mu gihe abandi 6460250 bamaze kwandura iyi ndwara.

Brésil iza ku mwanya wa gatatu mu kwibasirwa cyane n’iki cyorezo ifite abantu 4137606 banduye mu gihe abamaze gupfa bo ari 126686. Ni mu gihe u Burusiya bwo buri ku mwanya wa Kane n’abantu 1025505 banduye mu gihe abamaze gupfa ari 17820.

Muri rusange, ku Isi hari abantu barenga miliyoni 27 bamaze kwandura iki cyorezo mu gihe abamaze gupfa barenga ibihumbi 887.

Mu Burayi abamaze kwandura barenga miliyoni 3,7 mu gihe abamaze gupfa bo ari ibihumbi 209 muri Amerika ya Ruguru ho barenga 7,6 mu gihe abapfuye bo ari ibihumbi 280.

Muri Aziya, abamaze kwandura ni miliyoni 7,7 mu gihe abamaze gupfa bo ari ibihumbi 152. Muri Amerika y’Epfo abamaze kwandura ni miliyoni 6,7 mu gihe abamaze gupfa ni ibihumbi 212.

Ku mugabane wa Afurika niho hari ubwandu buke kuko abamaze kwandura ni miliyoni 1,3 naho abamaze gupfa ni 31357


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .