McGregor wagaragaye mu myaka ya vuba nk’umwe mu bayoboye abashaka impinduramatwara muri Ireland, yatangarije kuri Instagram ko aziyamamariza kuba Perezida.

McGregor afite urugamba rukomeye rwo kubona amajwi amushyira ku rutonde rw’abakandida kuko abanyapolitiki bake nibo bemera ibitekerezo bye ku bimukira, kandi benshi bamunenze bikomeye nyuma y’ibirego yarezwe umwaka ushize byo guhohotera abagore.

Mu mategeko ya Ireland, umukandida ku mwanya wa perezida agomba gushyigikirwa n’abagize inteko ishinga amategeko 20 muri 234 cyangwa n’inama nshingwabikorwa z’uturere enye muri 31 zigize igihugu.

Amatora ya perezida wa Ireland ateganyijwe kuba bitarenze tariki 11 Ugushyingo uyu mwaka.

Mu myaka ishize, McGregor yagaragaye cyane anenga imigambi ya guverinoma kuri politiki y’abimukira. Mu 2022, yatangiye gushyigikira imyigaragambyo yamagana abimukira.

Conor McGregor wamamaye mu iteramakofe ashobora kwiyamamariza kuyobora Ireland