00:00:00 IGIHE NETWORK KN KINYARWANDA EN ENGLISH FR FRANCAIS

Bugesera: Inzu y’ubucuruzi yafashwe n’inkongi

Yanditswe na Thamimu Hakizimana
Kuya 1 Ukuboza 2021 saa 11:16
Yasuwe :

Inzu y’ubucuruzi iherereye mu Kagari ka Nyamata Umurenge wa Nyamata, Akarere ka Bugesera yafashwe n’inkongi y’umuriro ibyarimo byose birashya.

Ahagana saa ine n’igice z’amanywa yo kuri uyu wa Gatatu tariki ya 1 Ukuboza 2021, nibwo iyi nyubako y’ubucuruzi yafashwe n’inkongi.

Umuvugizi wa Polisi mu Ntara y’iburasirazuba, CIP Twizeyimana Hamdoun, yabwiye IGIHE ko icyateye iyi nkongi kitaramenyekana.

Yagize ati “Kugeza ubu ntituramenya icyayiteye ariko umuriro wazimijwe gusa hangiritse ibintu bitandukanye kuko inzu yarimo ibikoresho by’ubudozi, inkweto n’ibikoresho bya moto n’imodoka.”

Yakomeje avuga ko ibyangiritse bifite agaciro ka miliyoni eshatu z’amafaranga y’u Rwanda aboneraho gusaba abashyira amashanyarazi mu nzu kujya bakoresha insinga zujuje ubuziranenge no kugira uburyo bwo kuzimya inkongi ku nzu.

Inzu y'ubucuruzi yafashwe n'inkongi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .