BPR yifatanyije n’abakiliya bayo kwizihiza umunsi w’abakundana (Amafoto)

Yanditswe na Iradukunda Serge
Kuya 14 Gashyantare 2020 saa 10:57
Yasuwe :
0 0

Abayobozi n’abakozi ba BPR Atlas Mara bifatanyije n’abakiliya bayo mu kwizihiza umunsi w’abakundana uzwi nka Valentine ’s Day uba buri mwaka ku wa 14 Gashyantare.

Ni igikorwa cyabereye ku Cyicaro gikuru no mu mashami yose y’iyi banki uko ari 168 kuri uyu wa Gatanu, tariki ya 14 Gashyantare 2020.

BPR Atlas Mara yahaye abakiliya impano zitandukanye ziganjemo indabo zitukura nk’ikimenyetso cyo kubereka ingano y’urukundo banki yabo ibakunda.

Umukozi ushinzwe Iyamamazabikorwa n’Itumanaho muri BPR, Kalisa Prossie, yasobanuye ko iki gikorwa kigamije kugaragaza igihango bafitanye n’abakiliya ba banki.

Ati “Impamvu twizihije uno munsi ni ukugira ngo tugaragaze urukundo, murabizi ko italiki ya 14 Gashyantare ari umunsi w’abakundana rero nka Banki y’Abaturage ntabwo twabyibagirwa kuko dufite abakiliya badukunda kandi natwe dukunda.”

Yavuze ko uretse kugenera impano abakiliya babo hari na bo bahisemo gusura hagamijwe kumva ibyifuzo byabo.

Ati “Hari bamwe abayobozi b’amashami yacu bagiye gusura kugira ngo babashimire no kugira ngo twumve uko abakiliya bakira serivisi bahabwa ngo ibyo tubihereho tugira n’ibyo tunoza muri serivisi zacu kugira ngo abakiliya bacu bishime.’’

Abakiliya ba BPR bishimiye iki gikorwa cya banki yabo bavuga ko kirushijeho kubereka ko ibazirikana.

Umwe mu bakiliya bahawe impano akaba anamaze imyaka 33 akorana na BPR, Nsabiyera Azalia, avuga ko iki gikorwa kije kiyongera ku bindi byiza yakorewe.

Ati “Umwihariko wa Banki y’Abaturage ni uko idufata neza kandi ikanatwibutsa n’igihe umuntu agiye kwibagirwa ikanamwibutsa kandi wagira n’ikibazo ikakuba hafi.”

Nsabiyera avuga ko gutungurwa agahabwa impano byatumye arushaho gukunda Banki y’Abaturage.

Ati “Ibi birushijeho kunezeza kuko nari ninyuriye hano gusa nje kubikuza ariko kubona hari icyo baduteganyirije gituma turushaho kwiyumvamo banki yacu; bituma umuntu yumva ko imuzirikana.”

Ni ibyishimo asangiye n’abandi barimo Gasana Marie Claire uvuga ko umunsi wa mbere yagannye Banki y’Abaturage yahise ayikunda.

Ati “Nakunze ukuntu banyakiriye umunsi wa mbere natangiye kuza hano, ukuntu bamvugishije, ukuntu banyorohereje kugeza na n’ubu baracyanyorohereza mu tuntu twinshi. Nta kintu cyatuma mva kuri banki y’abaturage.”

Gasana yavuze ko iki gikorwa kitamutunguye kuko iyi banki yamumenyereje kumutetetsha.

Yakomeje ati “Ntibintangaje kuri Banki y’Abaturage kuko ihora intetesha kandi niko ihora itetesha n’abandi bakiliya babo iyo habonetse uburyo bwo kubereka ko ibatekerezaho.”

Umunsi w’abakundana ni nabwo Kiliziya Gatolika yizihiza Mutagatifu Valentin (Saint Valentin), umurinzi w’abakundana. Nubwo inkomoko y’uyu munsi ishingiye ku idini usanga wizihizwa n’abantu b’ingeri zose, aho abashakanye n’abakirambagizanya bongera ibyo ari byo byose bigamije gutuma ikibatsi cy’urukundo kirushaho kugurumana.

Abakiliya ba BPR Atlas Mara bahawe impano ziganjemo indabo mu rwego rwo kubereka urukundo
Abakiliya ba BPR Atlas Mara bishimiye impano bagenewe na banki
Byari ibyishimo ku bakiliya bahawe impano
Gasana Marie Claire ashyikirizwa impano yagenewe na BPR Atlas Mara ku munsi w'abakundana
Impano za St Valentin zageze kuri buri wese
Umukozi ushinzwe Iyamamazabikorwa n’Itumanaho muri BPR Atlas Mara, Kalisa Prossie, ashyikiriza impano umukiliya wa banki
Umwe mu bakiliya ba BPR Atlas Mara afata zimwe mu mpano bagenewe
Buri mukiliya ku mashami yose ya BPR Atlas Mara mu gihugu yahawe impano y'umunsi w'abakundana
Abakozi ba BPR bishimiye impano bahawe n'iyi banki
Ku Cyicaro gikuru cya BPR Atlas Mara ni hamwe mu hatangiwe izi mpano
BPR Atlas Mara ni banki imaze kuba ubukombe mu Rwanda

Amafoto: Munyarugerero Gift


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .