Batandatu bafashwe bagerageza guha ruswa abapolisi bo mu muhanda

Yanditswe na IGIHE
Kuya 8 Ugushyingo 2018 saa 10:25
Yasuwe :
0 0

Abantu batandatu bafashwe bagerageza gutanga ruswa ku bapolisi kugira bashinzwe umutekano wo mu muhanda kugira ngo bo guhanirwa amakosa yo kubura bimwe mu byo byangombwa.

Mu ijoro ryo ku wa kabiri tariki 06 Ugushyingo 2018 kugeza ku wa Gatatu, Polisi y’u Rwanda ishami ryayo rishinzwe umutekano wo mu muhanda ryakoze ubugenzuzi bw’ibyangombwa by’abashoferi n’iby’ibinyabiziga.

Ni umukwabo wabereye mu muhanda munini uva mu Karere ka Musanze werekeza mu Karere ka Nyabihu hagamijwe kurwanya impanuka zikomoka ku makosa akorwa n’abakoresha umuhanda.

Umuvugizi wa Polisi y’u Rwanda ishami rishinzwe umutekano wo mu muhanda, SSP Jean Marie Vianney Ndushabandi, yavuze ko abenshi muri aba bafashwe imodoka zabo zaburaga ibyangombwa bigaragaza ko zakorewe ubugenzuzi (Control Technique), gupakira bakarenza urugero ndetse no gutwara imodoka batabifitiye ibyangombwa.

Ati “Bariya bose bafashwe amakosa yabo ajya gusa, abapolisi babahagaritse babasaba ibyangombwa basanga badafite icyangombwa cy’uko imodoka zakorerewe ubugenzuzi bw’ibinyabiziga batangira gushaka guha ruswa abapolisi kugira ngo ayo makosa bayaburizemo.”

SSP Ndushabandi akomeza avuga ko abapolisi iyo bahagarikaga imodoka, umushoferi yayivagamo agasanga hanze umupolisi akamuha amafaranga kugira ngo amureke.

Yaburiye bamwe mu bashoferi n’abanyarwanda muri rusange bagifite umuco mubi wo gushaka guha ruswa abapolisi ko bazajya bafatwa bagashyikirizwa inzego zibishinzwe gukira ngo zibakurikiraneho icyaha cya ruswa.

Ati “Nagira ngo nongere mbwire abantu ko leta y’u Rwanda ndetse no muri Polisi y’u Rwanda ruswa itababarirwa ku gipimo cya zero,umuntu wese wishuka ko azaha ruswa abapolisi azajya afatwa byihuse.”

Yakomeje akangurira abanyarwanda kugira uruhare mu gufasha Polisi y’u Rwanda mu rugamba rwo kurwanya ruswa nk’uko bayifasha kurwanya ibindi byaha birimo ibiyobyabwenge, ubujura, ihohotera kandi bagakomeza gutangira amakuru arebana n’abanyabyaha ku gihe.

Abafashwe bose Polisi yabashyikirije Urwego rw’Igihugu rushinzwe Ubugenzacyaha RIB kugira ngo bakurikiranwe.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza