Batalingaya François ukomoka mu Rwanda yagizwe Umuyobozi wa Loni mu Birwa bya Comores

Yanditswe na Bukuru JC
Kuya 2 Ukuboza 2020 saa 12:35
Yasuwe :
0 0

Umunyamabanga Mukuru w’Umuryango w’Abibumbye, António Guterres yagize Batalingaya François ukomoka mu Rwanda, umuyobozi wa Loni mu Birwa bya Comores.

Batalinganya ufite Impamyabumenyi y’Icyiciro cya Gatatu cya Kaminuza mu bijyanye n’Ubuzima rusange ( Public Health) yakuye muri Tulane University yinjiye muri izi nshingano nyuma y’uko yagiye akorana n’Umuryango w’Abibumbye ndetse n’imiryango iwushamikiyeho itandukanye.

Uyu mugabo yahawe izi nshingano nyuma y’uko yari Umuyobozi w’Agashami ka Loni gashinzwe guhuza Ibikorwa by’Ubutabazi (OCHA) muri Repubulika ya Centrafrique.

Mbere yo kujya muri uyu mwanya yakoranye n’imiryango idaharanira inyungu irimo na World Vision mu bihugu nka Kenya, Liberia, Mozambique, Sénégal, Somalia, Uganda na Leta Zunze Ubumwe za Amerika.

Batalinganya yarangije amasomo ye mu yahoze ari Kaminuza Nkuru y’u Rwanda mu 1989 ndetse aza no kuyigishamo kuva mu 1993 kugera mu 1994, mbere yo kwinjira muri izi nshingano zo kwigisha yanakoze kandi mu yahoze ari Minisiteri y’Ubuzima kuva mu 1989 kugeza mu 1991.

Mu itangazo Umuryango w’Abibumbye washyize hanze wavuze ko witeze kungukira mu inararibonye ry’imyaka 25 uyu mugabo afite mu bijyanye no guteza imbere imibereho myiza ndetse n’ibikorwa by’ubugiraneza.

Batalingaya François yagizwe Umuyobozi wa Loni mu Birwa bya Comores

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .