00:00:00 IGIHE NETWORK KN KINYARWANDA EN ENGLISH FR FRANCAIS

"Aya si amateka areba u Rwanda gusa": Abakozi ba KTRN bibutse Jenoside yakorewe Abatutsi

Yanditswe na Muyisenge Jean Felix
Kuya 28 May 2022 saa 08:40
Yasuwe :

Abakozi b’ikigo gicuruza internet ya 4G mu Rwanda, Korea Telecom Rwanda Networks (KTRN) basabye ko Jenoside ifatwa nk’amateka mabi yagize ingaruka ku Isi yose, kandi ibihugu byose bikayihagurukira kugira ngo itazongera kuba ahandi.

Ibi byashimangiwe n’Umuyobozi Mukuru wa KTRN, Aaron An kuri uyu wa Gatanu tariki 27 Gicurasi 2022, ubwo abakozi n’ubuyobozi kw’iki kigo basuraga Rwibutso rwa Jenoside rwa Nyanza ya Kicukiro bakanunamira inzirakarengane zazize Jenoside yakorewe Abatutsi.

Abagize KTRN batemberejwe uru rwibutso banasobanurirwa amateka yaranze uyu musozi muri Jenoside yakorewe Abatutsi.

Aaron yavuze ko yamenye bwa mbere Jenoside yakorewe Abatutsi muri 2015, arushaho kuyisobanukirwa byimbitse umwaka wakurikiyeho ubwo yageraga mu Rwanda bwa mbere agasura inzibutso zitandukanye mu gihugu.

Yagize ati “Jenoside yakorewe Abatutsi ntigomba gufatwa nk’amateka areba Abanyarwanda gusa, ni amateka y’Isi yose, buri muntu wese agomba kumenya akanigira ku byabaye mu Rwanda, kugira ngo bitazongera kubaho ukundi.”

Yasoje ashimira Abanyarwanda bateye intambwe ikomeye y’ubumwe n’ubwiyunge basenyera umugozi umwe wo kubaka igihugu cyabo ubu bakaba ari intangarugero ku Isi yose.

Umwe mu bakozi ba KTRN, Kamanzi Jean Baptiste, yatangaje ko abantu bakwiye kwifashisha murandasi mu kurwanya ibikorwa byose bihembera amacakubiri n’urwango.

KTRN ni ikigo cyageze mu Rwanda mu 2014 kije gutanga internet ya 4G LITE n’umuyoboro ukwirakwiza internet wa ‘fibres optiques’.

Kugeza ubu iki Kigo ni cyo kiranguza internet ya 4G ku bigo bitandukanye birimo iby’itumanaho n’ibiyicuruza.

Umuyobozi Mukuru wa KTRN, Aaron An, yasabye ibindi bihugu kwigira ku Rwanda
KTRN yatanze umusanzu mu isanduku y'urwibutso
Abakozi ba KTRN Rwanda bibutse Jenoside yakorewe Abatutsi
Abakozi ba KTRN Rwanda bunamiye abashyinguye ku rwibutso rwa Jenoside yakorewe Abatutsi
Abakozi ba KTRN Rwanda batemberejwe Urwibutso rwa Jenoside yakorewe Abatutsi rwa Nyanza ya Kicukiro
Abakozi ba KTRN Rwanda batemberejwe ubusitani bw'Urwibutso rwa Jenoside yakorewe Abatutsi rwa Nyanza ya Kicukiro

Amafoto: Shumbusho Djasir


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .