Aroma Glam Ltd, umuti ku bifuza gusa neza no kugira ubuzima bwiza

Yanditswe na Mukahirwa Diane
Kuya 16 Ugushyingo 2020 saa 11:07
Yasuwe :
0 0

Gusa neza no kugaragara mu buryo bushamaje biraharanirwa, si ibintu byizana. Bisaba gukora amahitamo meza, kuva ku mavuta aberanye n’uruhu rw’umuntu kugeza kuri wa mwambaro aserukana bose bakamuhanga amaso.

Ibigo byinshi bitunganya ibikoresho by’ubwiza ariko KASO ifite umwihariko wo kubitunganya hifashishijwe ibimera.

Aroma Glam Ltd ni ikigo gihagarariye ubucuruzi bwa KASO. Iki kigo kimaze imyaka ibiri gifasha abantu kwita ku bibazo by’uruhu (skin treatment), umusatsi (hair treatment) n’umubyibuho ukabije (body detox program).

Iki kigo gifite intego yo guteza imbere no kongerera agaciro ibikomoka ku buhinzi, kinafite bimwe mu bikoresho by’ubwiza birimo amavuta meza yo kwisiga, avanaho amaribori, inkovu, uruhara, ayo mu misatsi n’ayo guteka.

Aya mavuta yose akorwa mu bihingwa bitandukanye byiganjemo imbuto, imboga ndetse n’ibindi bikomoka ku bworozi birimo nk’ubuki n’amata.

Ni amavuta agirira abayakoresha akamaro kuko akozwe mu buryo butuma arinda uruhu rw’uyakoresheje ndetse no gusana urwari rwarangiritse.

Mu buhamya bw’abayakoresheje bavuga ko amavuta ya Aroma Glam yabatuye umutwaro wo kugendana uruhu batishimiye.

Umunyamideli wo muri Nigeria, Akinbo Dayo, wari utewe ipfunwe n’uruhu rwe ndetse runabangamiye umwuga we avuga ko ubu amateka yahindutse.

Ati “Mbere nari mfite uruhu ruriho ibiheri byinshi cyane; njye rwanteraga ipfunwe, rero mu kazi kacu ko kumurika imideli bisaba ko uba usa neza, wasangaga hari abandeba ntibanyurwe n’uruhu nari mfite bikabangamira akazi kanjye.”

“Nari naragerageje ibintu byinshi ariko byaranze nyuma nza kugerageza ibikoresho byo muri Aroma Glam Ltd. Ntabwo ushobora kubyizera ko nyuma y’ibyumweru bitandatu gusa nari nahindutse undi wundi nakize. Ubu mfite uruhu rwiza nishimira.”

Iri shimwe arihuje na Gwiza Rosette, wari ufite ikibazo cy’uruhu rwangiritse bitewe n’izuba ariko amavuta yayobotse akamubera igisubizo mu gihe gito.

Ati “Nari mfite uruhu rwangiritse kubera izuba ryari ryarantwitse bitewe n’amavuta nari narisize; nari naragerageje kubikuraho byaranze ariko aho namenyeye Aroma nahise ngira uruhu rwiza cyane mu kwezi kumwe gusa.”

Usibye aba bari bafite uruhu rwangiritse, amavuta ya Aroma yafashije Sikubwabo Jean de Dieu, wari ufite ikibazo cyo gupfuka umusatsi yarazanye uruhara ariko kuri ubu icyo kibazo kiri gucyendera.

Ati “Nari mfite ikibazo cy’umusatsi upfuka kandi imyaka yanjye siyo kuzana uruhara, nzakurangirwa Aroma ndaza bampa amavuta yo gusigamo barankurikirana ubu umusatsi ntugipfuka naho wari warapfutse warongeye uramera.”

Muri Arom Glam kandi si amavuta y’uruhu gusa bagira kuko hanatangirwa serivisi ifasha abafite umubyibuho ukabije kugabanya ibil o mu gihe kigera kuminsi 10 gusa.

Ibi bikaba byemezwa na Nyiransengimana Angelique, wari ufite ikibazo cy’umubyibuho ukabije uburyo bwo kugabanya ibiro bw’Aroma bukaba bwaramufashije kugabanya ibiro bigera kuri bitandatu mu gihe cy’iminsi 10.

Ati “Nari mfite ikibazo cy’umubyibuho ukabije ngeze aho ndyama nkabura umwuka kubera ibiro byinshi, nyuma nzakwifashisha Aroma baramfasha muri gahunda yabo y’iminsi icumi ngabanukaho ibiro bitandu nyuma ndakomeza nza kugabanuka cyane aho natakaje ibiro icumi.”

Umuyoboziwa Aroma Glam Ltd, Umutibagirana Annick, yavuzeko mu mbogamizi bagiye bahura nazo harimo iy’imyumvire aho hari abantu batarakangukira kwifashisha ibikoresho by’umwimerere (organic products).

Ati“Ubwira umuntu ko hari ibikoresho byiza akagusubiza ngo njye nkoresha ibivuye iBurayi kandi ugasanga hariya akenshi baba barakoze amavuta agendanye n’uruhu rwabo kandi nti ruhuye n’urwacu.”

“Ugasanga akubwira ko atakwisiga cyangwa ngo arye amavuta atavanzemo ibindi bintu kuko ngo biyongerera umusaruro kandi mu by’ukuri ibintu by’umwimerere ni byiza kuko nta bintu byinshi ashyira mu mubiri wawe.”

Yavuze ko bikwiye ko abantu bizera ko ibikorerwa mu Rwanda bifite ubwiza bukenewe bwo gushyirwa ku isoko.

Ati “Haracyari ikibazo ko abantu batekereza ko kuba amavuta akorerwa mu Rwanda n’ibindi nta buziranenge biba bifite kandi ko bidashobora no kubaha ubwiza bifuza ariko ni ukwibeshya kuko n’ibikorerwa hano bikoraneza cyane kandi bikoranwe ubuhanga.”

Aroma Glam Ltd ifite amashami abiri mu Rwanda, icyicaro gikuru cyayo kiri ku Gisimenti imbere ya rond point hejuru ya KCB Bank mu igorofa rya kabiri, inagira irindi shami mu Karere ka Rubavu, iruhande rw’inyubako ya Ngarambe.

Nyiransengimana Angelique yagabanutseho ibilo bitandatu mu minsi 10
Sikubwabo Jean de Dieu yapfukaga umusatsi none ubu agenda abona impinduka umunsi ku wundi
Umunyamideli Dayo uruhu yari afite ataramenya Aroma
Uruhu rwe rwabaye rwiza
Umuyoboziwa Aroma Glam Ltd, Umutibagirana Annick
Amavuta yo guteka ya Aroma Glam
Detox ifasha umuntu kugabanya ibiro mu minsi 10 gusa
Ibikoresho by'umwimerere byo muri Aroma Glum

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .