Amb. Rwakazina yatanze impapuro zimuhesha ububasha bwo guhagararira u Rwanda mu Busuwisi

Yanditswe na IGIHE
Kuya 18 Mutarama 2020 saa 06:39
Yasuwe :
0 0

Ambasaderi Rwakazina Marie Chantal yashyikirije Perezida w’u Busuwisi impapuro zimuhesha ububasha bwo guhagararira u Rwanda muri icyo gihugu.

Ku gicamunsi cyo kuwa14 Mutarama 2020, nibwo Ambasaderi Rwakazina yashyikirije Perezida Simonetta Sommaruga, impapuro zimuhesha ububasha bwo guhagararira u Rwanda mu Busuwisi.

Muri uyu muhango wamaze iminota cumi n’itanu, Ambasaderi Rwakazina yaboneyeho kumugezaho indamutso za Nyakubahwa Perezida wa Repubulika y’u Rwanda, Paul Kagame, ndetse anamubwira mu magambo make, aho u Rwanda rugeze ubu mu rwego rwo guteza imbere ubukungu, imibereho myiza ndetse n’imiyoborere myiza by’abanyarwanda.

Mu gitondo cyo kuri uwo munsi, Ambasaderi Rwakazina, yari yabanje kugirana ibiganiro na bamwe mu bayobozi bakuru muri Minisiteri y’Ububanyi n’Amahanga y’u Busuwisi bashinzwe ubufatanye n’ubutwererane n’ibihugu bya Afurika n’abo mu bunyamabanga bwa Leta bushinzwe ishoramari.

Mu biganiro bagiranye, bibanze ku ngingo zitandukanye harimo kwagura ubufatanye hagati y’ibihugu byombi n’ubufatanye mpuzamahanga, hagamijwe gushimangira amahoro n’umutekano, iterambere no gukemura amakimbirane n’imvururu, binyuze mu bwumvikane.

Ku munsi ukurikira, kuwa 15 Mutarama 2020, ku gicamusi, Ambasaderi Rwakazina yitabiriye ubutumire mu birori byo kwifuriza Umwaka Mushya Muhire abayobozi bakuru bo mu Busuwisi barangajwe imbere na Perezida Simonetta Sommaruga.

Ibi birori byitabiriwe n’abahagarariye ibihugu byabo mu Busuwisi bagera ku 140.

Muri ibi bikorwa bitandukanye, Ambasaderi Rwakazina, yari aherekejwe n’Umujyanama wa mbere muri Ambasade y’u Rwanda mu Busuwi, James Ngango.

Ubwo Amb. ubwo yashyikirizaga impapuro Perezida Simonetta Sommaruga
Amb. Rwakazin aganira na Perezida Simonetta Sommaruga n'abandi bayobozi
Ubwo Amb. Rwakazina yari amaze gushyikiriza Perezida Simonetta Sommaruga impapuro zimuha ububasha bwo guhagararira u Rwanda mu Busuwisi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .