00:00:00 IGIHE NETWORK KN KINYARWANDA EN ENGLISH FR FRANCAIS

Amb. Nkulikiyimfura yatanze impapuro zimwemerera guhagararira u Rwanda muri Portugal

Yanditswe na IGIHE
Kuya 12 Mutarama 2023 saa 08:32
Yasuwe :

Ambasaderi François Nkulikiyimfura yashyikirije Perezida wa Portugal, Marcelo Rebelo de Sousa, impapuro zimwemerera guhagararira u Rwanda muri icyo gihugu.

U Rwanda na Portugal ni ibihugu byombi bisanzwe bifitanye umubano mu bya dipolomasi, watangiye ku wa 12 Gashyanyare 1976.

Icyo gihe Ambasaderi wa mbere Portugal yohereje mu Rwanda yari António Baptista Martins, wari ufite ibiro i Kinshasa muri Repubulika Iharanira Demokarasi ya Congo. Yatangiye inshingano zo guhagararira igihugu cye mu Rwanda ku wa 25 Mutarama 1977.

Magingo aya, Ambasaderi wa Portugal mu Rwanda ni Helena Malcata, washyikirije Perezida Kagame impapuro zimwemerera guhagararira igihugu cye ku wa 22 Gashyantare 2019.

Amb Nkurikiyimfura asanzwe ari Ambasaderi w’u Rwanda mu Bufaransa guhera ku wa 25 Nyakanga 2022.

Umunyarwanda ushaka kujya muri Portugal bimusaba gushaka Viza ya Schengen, hanyuma akaba yakora urugendo rwamutwara amadolari 825$ muri iki gihe kugenda no kugaruka, aramutse ateze indege ya KLM.

Ambasaderi François Nkulikiyimfura yashyikirije Perezida wa Portugal, Marcelo Rebelo de Sousa, impapuro zimwemerera guhagararira u Rwanda
Umubano w'u Rwanda na Portugal mu bya dipolomasi umaze imyaka myinshi
Ibihugu byombi byemeranyije gukomeza gushimangira imikoranire myiza bisanganywe

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .