Amb. Hategeka yatanze impapuro zimwemerera guhagararira u Rwanda muri UAE

Yanditswe na IGIHE
Kuya 21 Ukwakira 2019 saa 02:48
Yasuwe :
0 0

Ambasaderi Emmanuel Hategeka kuri uyu wa Mbere yatanze impapuro zimwemerera guhagararira u Rwanda muri Leta Zunze Ubumwe z’Abarabu.

Amb. Hategeka ni umwe mu bahagarariye u Rwanda mu bihugu 15 by’amahanga bashyizweho na Perezida Paul Kagame kuwa 15 Nyakanga 2019, akaba yari Umuyobozi Mukuru Wungirije w’Ikigo cy’Igihugu cy’Iterambere, RDB.

Abinyujije kuri Twitter, Amb. Hategeka yavuze ko uyu munsi yishimiye gutanga impapuro zimwemerera guhagararira u Rwanda, kuri Minisiteri y’ububanyi n’amahanga n’ubutwererane mpuzamahanga ya Leta zunze Ubumwe z’Abarabu.

Yakomeje ashimira Shihab Alfaheem wamwakiriye neza, akaba agiye gutangira imirimo ye muri Leta zunze Ubumwe z’Abarabu.

Amb. Hategeka avuga ko azakomeza kubungabunga umubano hagati y’ibihugu byombi akazibanda ku iterambere ry’ubukungu n’ishoramari. Hari uguteza imbere imishinga yatangiye n’iyaganiriweho, amasezerano menshi u Rwanda rwasinyanye n’abashoramari benshi n’ibindi.

Muri Werurwe umwaka ushize Leta Zunze Ubumwe z’Abarabu (UAE) zafunguye Amabasade i Kigali. Ifungurwa ryayo ryabanjirijwe n’ibiganiro by’intumwa za UAE na Minisiteri y’Ububanyi n’Amahanga, Ubutwererane n’Umuryango w’Ibihugu bya Afurika y’Iburasirazuba ku kunoza umubano ku mpande zombi.

Muri ibi biganiro impande zombi zashyize umukono ku masezerano y’ubufatanye mu guteza imbere uburezi bw’u Rwanda muri kaminuza n’amasomo y’ubumenyingiro.

Muri ubu bufatanye Leta Zunze Ubumwe z’Abarabu zizaha buruse abanyarwanda 20 baziga muri kaminuza zo muri iki gihugu ndetse abagore 100 bahabwe amahugurwa mu bijyanye n’ubukerarugendo no kwakira abantu.

Amb. Hategeka ubwo yatangaga impapuro zimwemerera guhagararira u Rwanda muri Leta zunze Ubumwe z'Abarabu

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza