Amajyepfo: Abacukuzi b’amabuye y’agaciro barahiye kutazongera gucikwa na Rwanda Day

Yanditswe na

Thamimu Hakizimana

Kuya 6 Ugushyingo 2015 saa 02:51
Yasuwe :
0 0

Abacukuzi b’amabuye y’agaciro mu Ntara y’Amajyepfo barahiye kutazongera gucikwa n’umunsi uhuza Abanyarwanda baba mu mahanga n’inshuti z’u Rwanda ‘Rwanda Day’, kuko bacikanwa na byinshi.

Aba bacukuzi b’amabuye y’agacirio mu Karere ka Muhanga na Kamonyi, mu Ntara y’Amajyepfo, ngo basanga batagomba kongera gukora ikosa ryo kutagira ababahagararira muri Rwanda Day.

Abavuganye na IGIHE muri aba, bemeza ko kubura ahantu nk’aha ari igihombo gikomeye, by’umwihariko ku bashoramari bagombye kuhagaragariza ibyo bakora, bakahungukira abafatanyabikorwa n’ibindi.

Uwitwa Dusube Christine, yagize ati “Nitwitabira Rwanda Day bizaba ari byiza cyane bitewe n’uko guhura n’Abanyarwanda baba mu mahanga bizatuma bamenya byibuze iby’amabuye ducukura n’ayo ari yo, ku buryo bashobora no kudushakira amasoko cyangwa abafatanyabikorwa.”

Uwahoze mu Ngabo z’u Rwanda akaba n’Umuyobozi w’abacukuzi b’amabuye y’agaciro mu Ntara y’Amajyepfo, Major Rugamba Robert we yabwiye IGIHE ko impamvu batazongera gucikwa n’uyu munsi wa Rwanda Day ari uko akanyoni katagurutse katamenya iyo bweze.

Ati “Ni gahunda twakungukiramo ibintu byinshi bitandukanye; nk’abafatanyabikorwa, kumenyana na bagenzi bacu baba hanze tuganira kuri gahunda za Leta n’izindi ziduteza imbere, ikindi kandi no kutayitabira ntabwo byaterwaga n’ubushobozi buke, kuko hari n’abandi bacuruzi baciriritse bayitabira.“

Avuga ko bifuza ko indi Rwanda Day yazabonekamo benshi mu bacukura amabuye y’agaciro mu Ntara y’Amajyepfo.

Umuyobozi w’abacukuzi b'amabuye y’agaciro mu Ntara y’Amajyepfo
Bamwe mu bakora ubucukuzi bw'amabuye y'agaciro mu Ntara y'Amajyepfo

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza