00:00:00 IGIHE NETWORK KN KINYARWANDA EN ENGLISH FR FRANCAIS

Amafoto n’imyanzuro y’inama yahuje Netanyahu n’Abakuru b’Ibihugu barimo Kagame

Yanditswe na Philbert Girinema
Kuya 5 July 2016 saa 10:45
Yasuwe :

Nyuma y’aho bimwe mu bihugu byo muri Afurika y’Iburasirazuba bikomeje kwibasirwa n’ibitero by’iterabwoba bigabwa n’umutwe wa Al-Shabab, Minisitiri w’Intebe wa Israel, Benjamin Netanyahu, n’abakuru b’ibihugu birindwi bya Afurika basanze ubufatanye ariwo muti w’iki kibazo.

Ni umwe mu myanzuro yafatiwe mu nama y’umutekano no kurwanya iterabwoba mu karere yabereye i Entebbe muri Uganda iyobowe na Netanyahu, initabirwa na Perezida Kagame w’u Rwanda.

Yitabiriwe kandi na Edgar Lungu wa Zambia, Uhuru Kenyatta wa Kenya , Salva Kirr wa Sudani y’Epfo, Minisitiri w’Intebe wa Ethiopia, Hailemariam Desalegn na Minisitiri w’Ububanyi n’Amahanga wa Tanzania, Augustine Mahiga bageze muri Uganda basanzeyo Perezida Museveni na Netanyahu uri mu ruzinduko rw’akazi muri Afurika.

Abakuru b’ibihugu na Guverinoma bafashe iyi nama nk’ikimenyetso cy’ingirakamaro ku mubano wa Afurika na Israel, n’umwanya mwiza wo kuganira ku bufatanye hagati y’ibihugu biri mu nzira y’amajyambere n’ibihugu bikize.

Inama yarebeye hamwe uko iterabwoba rikomeje kuba inzitizi ikomeye ku mahoro n’umutekano ku rwego mpuzamahanga, no ku iterambere rya muntu, abayitabiriye bashimangira ko mu rwego rwo guhangana n’iki kibazo, hakenewe kongerwa ubufatanye mu rwego mpuzamahanga n’urw’akarere mu ngeri zose, cyane cyane iz’umutekano mu by’ikoranabuhanga n’ikusanyamakuru.

Abakuru b’ibihugu na Guverinoma bishimiye gukomeza ubufatanye hagati y’ibihugu byabo na Israel yaba hagati y’igihugu n’ikindi cyangwa ibihugu byose muri rusange.

Abayobozi bemeranyije kongera imbaraga mu buryo bushya bw’ubufatanye bushingiye ku kubaka ubushobozi bw’abantu, ikoreshwa ry’ikoranabuhanga rishya no guhanga udushya.

Inkuru bifitanye isano

Perezida Kagame yitabiriye inama iyobowe na Netanyahu yiga ku iterabwoba

Perezida Kagame yakirwa muri Uganda
Perezida Museveni niwe wakiriye iyi nama
Kiir, Netanyahu, Museveni na Kagame nyuma y'ibiganiro
Perezida Kiir wa Sudani y'Epfo
[Uhereye ibumoso ujya iburyo] Minisitiri w’Ububanyi n’Amahanga wa Tanzania, Augustine Mahiga ; Perezida Kenyatta wa Kenya; Kiir wa Sudani y'Epfo; Minisitiri w'Intebe wa Israel Netanyahu; Perezida Museveni wa Uganda; Perezida Kagame w'u Rwanda; Minisitiri w’Intebe wa Ethiopia, Hailemariam Desalegn na Perezida Lungu wa Zambia
Minisitiri Mushikiwabo aganira n'abayobozi bitabiriye iyi nama
Perezida wa Kenya, Uhuru Kenyatta mu nama n'abandi bakuru b'ibihugu
Perezida Kagame aganira n'itsinda ryamuherekeje muri iyi nama ririmo na Minisitiri w'Ububanyi n'Amahanga w'u Rwanda, Louise Mushikiwabo
Abanyamakuru bahawe umwanya babaza ibibazo aba bakuru b'ibihugu

Amafoto: Village Urugwiro


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .