00:00:00 IGIHE NETWORK KN KINYARWANDA EN ENGLISH FR FRANCAIS

Agahinda k’umugore watangiye uburaya ku myaka 16 kubera ubuzima bubi

Yanditswe na Thamimu Hakizimana
Kuya 2 July 2022 saa 11:10
Yasuwe :

Hari ubwo bibaho mu buzima ko wisanga ahantu utatekerezaga ko wagera, ariko ibyago cyangwa izindi mpamvu zigatuma ubuzima buhinduka, ibyari ibyishimo bikaba agahinda.

Uwase [izina ryahinduwe] w’imyaka 32, afite abakobwa babiri. Ni umukobwa wakuriye mu buzima bugoye kuko nyina umubyara yicuruzaga, aho yazanaga abagabo mu rugo ndetse kenshi bakararana ku buriri bumwe.

Ni ubuzima bwari bushaririye ariko butapfa guhita buhinduka, aho yizeraga ko nakura agatangira gukorera amafaranga, azashyira imbaraga mu bishobora guteza umuryango wabo imbere, agakura umubyeyi we muri uwo mwuga atakundaga.

Icyakora ibintu byahindutse ku myaka 16 ubwo mu bagabo bakundaga kuzana na nyina kurara iwe, harimo umwe waje kumufata ku ngufu aramusambanya, maze abibwiye umubyeyi aramukabukira, ahita amubwira ko nta kintu azongera kumufasha kuko yakuze, ikimenyimenyi akaba atangiye no kumutwara abagabo.

Yabanje gukeka ko ari ibintu by’imikino ariko nyina yari akomeje, atangira kugenda amwima ibyo akeneye bityo uyu mukobwa nawe yinjira mu buraya atyo, na cyane ko nyina yakundaga kumubwira ko ari bwatumye abasha kumurera.

Muri iyi ngeso yahabyariye abana babiri atunze, icyakora nyuma yaje kuyireka, atangira ubuzima bundi.

Mu kiganiro na IGIHE, uyu mubyeyi yavuze ko ababyeyi bo muri iyi minsi bakwiriye kwita cyane ku burere baha abana babo kuko bushobora kuzabagiraho ingaruka mu bihe biri imbere.

Ati “Ababyeyi dukwiriye kuba urumuri rw’abana bacu, kenshi ibyo dukora uyu munsi bishobora kurangira bibaye ingeso zabo z’ahazaza. Ni ngombwa kwitwara neza nk’ababyeyi kugira ngo n’abana bawe bakwigireho.”

Uyu mugore kandi yavuze ko abantu badakwiriye gufata abakora uburaya nk’abantu b’ibicibwa, avuga ko hari benshi binjiye muri ako kazi kuko nta yandi mahitamo bafite, asaba abafite ubufasha bwatuma bava muri uwo mwuga.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .