Abayitabiriye iyi siporo bahuriye mu mihanda isanzwe ikoreshwa, biganjemo abafite ibirango biriho ubutumwa bwo gushishikariza abantu kurandura burundu kanseri y’inkondo y’umura.

Usibye urubyiruko rwari ku mubare wo hejuru, ni siporo yitabiriwe na Minisitiri wa Siporo, Aurore Mimosa Munyangaju, Minisitiri w’Ubuzima, Sabin Nsanzimana n’abandi bayobozi barimo n’ab’Umujyi wa Kigali.

Car Free Day ni siporo rusange yatangijwe muri Gicurasi 2016 igamije gushishikariza abatuye Umujyi wa Kigali umuco wo gukora siporo no kubiborohereza, gushishikariza abaturage kwirinda indwara zitandukanye, aho bahabwa inama bakanapimwa izi ndwara ku buntu. Kuri ubu no mu ntara zindi iyi Siporo irakorwa.

Mu ntangiriro za 2018 ni bwo Perezida Kagame yasabye ko yajya iba kabiri mu kwezi; ku Cyumweru cya mbere cy’ukwezi n’icya gatatu.

Mu gitondo cyo kuri iki Cyumweru abaturage bazindukiye muri siporo rusange

Iyi siporo rusange ikorerwa mu bice bitandukanye by'Umujyi wa Kigali

Kunyonga igare ni imwe muri siporo zikorerwa muri Car Free Day

Abakora siporo rusange bahabwa na serivisi z'ubuvuzi

N'abanyamahanga batuye mu Mujyi wa Kigali bitabira Car Free Day ku bwinshi

Minisitiri wa Siporo, Aurore Mimosa Munyangaju nawe yitabiriye iyi siporo

Abatuye mu Mujyi wa Kigali bamaze kumenyera iyi siporo rusange

Abagize Umuryango Elekta Foundation, ufite muri porogaramu zawo kurwanya kanseri muri Afurika yo munsi y'Ubutayu bwa Sahara bitabiriye iyi Siporo