Abantu batatu nibo banduye Coronavirus, hakira umwe

Yanditswe na IGIHE
Kuya 31 Ukwakira 2020 saa 09:31
Yasuwe :
0 0

Minisiteri y’Ubuzima kuri uyu wa Gatandatu tariki 31 Ukwakira, yatangaje ko mu bipimo 1848 byafashwe, abantu batatu aribo basanzwemo Coronavirus, bituma umubare w’abamaze kwandura bose uba 5137.

Abarwayi bashya umwe yabonetse i Kigali mu gihe babiri babonetse i Nyagatare. Umuntu umwe niwe wakize Coronavirus kuri uyu wa Gatandatu, bituma umubare w’abamaze gukira bose uba 4879, abakirwaye ni 223. Abapfuye ni 35.

Ibipimo bimaze gufatwa byose ni 557 534 guhera muri Werurwe uyu mwaka ubwo iki cyorezo cyageraga mu Rwanda.

Ibimenyetso bya Coronavirus birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

Mu gukomeza kwirinda ikwirakwira rya Coronavirus, abaturarwanda basabwa gukomeza kwitwararika no kubahiriza amabwiriza ya Leta hitabwa cyane cyane ku gukaraba intoki kenshi n’amazi n’isabune no kwambara udupfukamunwa n’amazuru mu gihe umuntu avuye mu rugo cyangwa ahuye n’abantu benshi.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .