Abantu 59 b’i Kigali basanzwemo Coronavirus

Yanditswe na Rabbi Malo Umucunguzi
Kuya 15 Kanama 2020 saa 10:58
Yasuwe :
0 0

Minisiteri y’Ubuzima yatangaje ko abantu 59 b’i Kigali basanzwemo Coronavirus mu bipimo 5569 byafashwe mu masaha 24 ashize, bituma abamaze gusangwamo ubu burwayi mu Rwanda bagera ku 2 352.

Mu mibare yatangajwe kuri uyu wa Gatandatu, bigaragara ko abandi 27 bakize bagasezererwa mu bitaro, bituma abamaze gukira bose hamwe baba 1631. Ni ukuvuga ko abakirwaye ari 713, mu gihe abitabye Imana bazize ubu burwayi ari umunani.

Minisiteri y’Ubuzima yavuze ko abarwayi bashya bagaragaye mu bantu "bapimwe mu bibasiwe kurusha abandi no mu midugudu iri mu kato."

Kugeza ubu ibice biri muri Guma mu rugo mu Mujyi wa Kigali ni Umudugudu wa Tetero, uw’Indamutsa n’Intiganda yo mu Kagari ka Tetero mu Murenge wa Muhima mu Karere ka Nyarugenge, kugeza igihe bizemerezwa n’inzego z’ubuzima ko igomba kuyivamo.

Kugeza kuri uyu wa Gatandatu hamaze gufatwa ibipimo 329, 474.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .