Abantu 13 mu Rwanda basanzwemo Coronavirus, 11 barayikira

Yanditswe na Rabbi Malo Umucunguzi
Kuya 26 Nzeri 2020 saa 10:15
Yasuwe :
0 0

Minisiteri y’Ubuzima yatangaje ko mu masaha 24 ashize abantu 13 bashya basanzwemo Coronavirus, bituma abamaze kwandura iki cyorezo bose hamwe mu gihugu bagera ku 4811.

Mu mibare iyi minisiteri yatangaje kuri uyu wa Gatandatu, yagaragaje ko abantu 11 bakize, bituma bose hamwe bagera ku 3091, abamaze gukira baba 64% by’abamaze kwandura bose. Ni ukuvuga ko abakirwaye ari abantu 1691.

Uyu mubare w’ubwandu bushya wabonetse mu bipimo 1894 byafashwe, bituma ibipimo bimaze gusuzumwa byose hamwe biba 486735.

Abamaze guhitanwa n’iyi ndwara mu Rwanda ni abantu 29.

Guverinoma y’u Rwanda ikomeje kongera imbaraga mu kwita ku barwayi bari mu ngo, aho imaze gufunga ibigo bigera kuri 15 byavurirwagamo abanduye Coronavirus.

Bijyanye n’uburyo ubwandu bwa Coronavirus buhagaze mu gihugu, inama y’abaminisitiri yateranye kuri uyu wa Gatanu yatangaje ko amashuri agiye gusubukurwa guhera mu kwezi gutaha, haherewe ku mashuri makuru na za kaminuza, ku buryo kugeza mu Ugushyingo hagati, amashuri azaba amaze gufungurwa mu byiciro byose.

Guverinoma kandi yakomoreye ingendo rusange zihuza Intara n’Umujyi wa Kigali kimwe n’izijya cyangwa ziva mu Karere ka Rusizi, nyuma y’igihe zemewe gusa ku modoka bwite z’abantu.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .