Abantu 10 ni bo bamaze kumenyekana ko bahitanwe n’imvura yaguye mu ijoro ryakeye

Yanditswe na Twarabanye Venuste
Kuya 3 Gashyantare 2020 saa 11:50
Yasuwe :
0 0

Minisiteri Ishinzwe Ibikorwa by’Ubutabazi (MINEMA) yatangaje ko abantu 10 ari bo bamaze kumenyekana ko bapfuye bazize ibiza byatewe n’imvura yaguye mu ijoro ryo ku wa 2 Gashyantare 2020, babiri bagakomereka n’inzu 15 zigasenyuka.

MINEMA ivuga ko imvura yaraye iguye yateje imivu n’inkangu kandi yarimo inkuba, ari na byo byatwaye ubuzima bw’abantu bigasenya n’inzu.

Imibare y’agateganyo imaze gukusanywa, kugeza saa tanu z’amanywa kuri uyu wa 3 Gashyantare 2020 yerekanaga ko hamaze kumenyakana abantu 10 bapfuye barimo batatu bo mu Karere ka Kicukiro na batatu bo mu Karere ka Gatsibo.

Mu Karere ka Gasabo naho hari umuryango w’abantu barindwi basenyewe n’umuvu, kugeza ubu hamaze kuboneka bane bitabye Imana.

Mu bakomeretse, harimo umwe muri Kicukiro n’uwo mu Karere ka Rulindo wakubiswe n’inkuba. Inzu zangiritse harabarurwa inzu imwe mu murenge wa Bwishyura mu Karere ka Karongi, imwe mu Karere ka Rulindo mu Murenge wa Rusiga na 12 mu Murenge wa Nyarugenge mu Karere ka Nyarugenge.

Gusa minisiteri ibishinzwe ivuga ko iyi mibare ishobora kwiyongera kuko hagikusanywa ibyangiritse.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza