00:00:00 IGIHE NETWORK KN KINYARWANDA EN ENGLISH FR FRANCAIS

Abakozi bahura n’abakiliya bategetswe gukomeza kwambara agapfukamunwa

Yanditswe na IGIHE
Kuya 17 May 2022 saa 12:29
Yasuwe :

Urwego rw’Igihugu rw’Iterambere (RDB), rwamenyesheje abakozi bo muri za restaurants, Salon zogosha n’izitunganya imisatsi n’abandi bakora muri serivisi bahura n’abakiriya, gukomeza kwambara udupfukamunwa igihe cyose bahura n’abo bakiliya.

Mu nama y’Abaminisitiri yo kuwa 13 Gicurasi 2022, Guverinoma y’u Rwanda yatangaje ko bitakiri itegeko kwambara agapfukamunwa nk’imwe mu ngamba zo kwirinda ikwirakwira rya COVID-19.

Uwo mwanzuro ugira uti “Ntibikiri itegeko kwambara agapfukamunwa. Icyakora, abantu barashishikarizwa kwambara agapfukamunwa igihe bari ahantu hafunganye kandi hahuriye abantu benshi. Abaturage barakangurirwa kandi gukomeza kwipimisha kenshi no kubahiriza ingamba zo kwirinda Covid-19.’’

Ubwo Covid-19 yibasiraga Isi, u Rwanda kimwe n’ibindi bihugu rwafashe ingamba zo gukumira no kwirinda ikwirakwira ry’iki cyorezo.

Mu ngamba zafashwe harimo kwambara agapfukamunwa, byagizwe itegeko kuva muri Mata 2020.

Minisiteri y’Ubuzima (MINISANTE) yatangaje ko ku wa Mbere tariki 16 Gicurasi 2022 mu Rwanda habonetse abantu umunani banduye Covid-19, bakaba babonetse mu bipimo 4,657.

Abo bantu barimo barindwi babonetse i Kigali n’umwe i Gicumbi. Nta muntu witabye Imana mu Rwanda kuri uwo munsi azize icyo cyorezo, abamaze kwitaba Imana mu Rwanda bazize Covid-19 ni 1,459 nk’uko imibare yatangajwe ibigaragaza.

Iri gabanuka rifitanye isano n’umubare w’abaturarwanda bamaze gukingirwa. Kugeza ubu mu Rwanda abamaze guhabwa dose ya mbere ni 9.032.646, abafashe ebyiri ni 8.513.947 naho abafashe dose ishimangira bangana na 4.394.621.

Abakora muri serivisi zirimo izo muri Salon de Coiffure bategetswe gukomeza kwambara agapfukamunwa

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .